tlhIngan-Hol Archive: Wed Mar 04 10:18:23 1998
[Date Prev][Date Next][Thread Prev][Thread Next]
Re: charghwI' wanI'
- From: "William H. Martin" <[email protected]>
- Subject: Re: charghwI' wanI'
- Date: Wed, 4 Mar 1998 13:18:05 -0500 (EST)
- In-Reply-To: <[email protected]> from "Irene A Gates" at Mar 3, 98 09:06:14 pm
According to Irene A Gates:
>
> charghwI', biDogh. reH 'IHbogh be' Danej.
jIQoch. muSam be' 'IH 'ej tlhoS qoch moj, 'ach not Qu'vam ta'lu'.
be'pu' vISumDI' roD jIjaqHa'. mughoS. vIghoSbe'.
> ram qab, ram jib, ram mInDu'.
jIQochbe' 'ach qab 'IH jIb 'IH mInDu' 'IH je ghajpu' mughoSbogh
be'pu'vam. vIbuSHa'chugh be'pu'vam vIvuvbe'. wej mughoS QaQbogh
be' moH.
be'pu' moHvaD parmaq vIghajpu' 'ej ghu'wIj Dubbe' be'pu'vam.
muja' lut: <'IH DIr neH lughaj be'pu' 'IH 'ach tIq nIv ghaj
be'pu' moH.> wIch 'oHbej. pa' vIghoSta' 'ej Qu'vetlh vIta'ta'.
yIvbeH vIghaj.
qochna' mojqangchugh be', qabDaj vItIv. 'IH'a'? moH'a'? ghaytan
jISaHbe'. qochna' mInDu' vItIvbej.
'ach qochna' vIghajbe'. qochHey vIghajbe'. 'ej qoch
vIghajbe'taHvIS mInDu' 'IH vItIvqang 'ej jIDIvbe'chu'.
> potlh tIq yab je. nongbogh be', mI'qu'bogh be', Holmey tIvbogh be''e',
> Dajbogh be' yInej.
jIHvaD yI'ang! vIlajqangchu'! nuqDaq ghaHtaH? wej vISam.
jaS Hoch mI'wI' vItIv. jIjIjmeH, jIlIS'egh. jImI'meH mIw vIlIS.
[sigh]
wa'maH chorghHu' wa' mI'wI' vIghoS. 'IHbe' 'ach vItIvqu'. nom
mI'qu'. vIqelDI' QIt mI' Hoch latlh. mI'DI' nongqu'. nom mI'DI'
monchu'. <qochpu' DImoj 'e' wIqel DaneH'a'?> vIghel.
[Literally, it was more like, "So, you want to try out this
dating thing?" jIjatlhDI' jIHub, qar'a'? DaH chaq jIjaqHa'meH
meqwIj DayajlaH.]
<chaq.> mujang.
loSHu' maghomqa'DI' mubuSHa'. wa'logh mamI' 'ej marInDI' SIbI'
muja' <maja'chuqnIS jupwI' jIH je. jImejnIS.> lojchoH. loQ
jI'IQ, 'ach DeSwIj 'uchlu' 'ej vIngu'meH jItlhe'. DeSwIj
'uchtaH be' 'IH. QIn QuvDaj munob.
mughoS wa' be' 'ej mubuS. mujun wa' be' 'ej mubuSHa'. naDev 'Iv
vIDel? yIloy!
Hoch wanI'wIj vIDelbe'. *nom-mI'wI'* vIDelpu'be' vIvuvmo' 'ej
vIloSmo'. vIDelpa' mujang vIneH. mujanglaw', 'ach vIDelmeH
wanI'vam SeymoHbe'lu'. mubuSHa'. DuSeymoH'a'? jISeybe' 'e'
vISov. ghaHmo' loQ jIDoghpu'. vIlIjqang.
'IHmo' latlh be'pu' chaHvo' pagh vIpIH vaj vIDelqang.
qaSpu'bogh wanI' Daj law', wej qaSbogh wanI' Daj puS 'e' vIpIH.
vIDelqang. chenpu' lut QaQ. lutvam Sanobqang.
> tIqlIj laDchu'bogh be''e' DaSamDI', ghaytan 'IHbe'
> ghaH. 'ach bISaHbe'.
choyajHa'chu'.
jISaHbe'. ram.
choyajchugh qoch vIghajbe'. choyajHa'chugh qoch vIghajbe'.
jISaHbe'bej.
> T'Lark
>
> ---
> Irene A Gates <[email protected]>
> Burlington, Ontario, Ca Aviculturist and linguaphile
>
> "I have not failed 10,000 times. I have successfully found 10,000 ways
> that will not work." -- Thomas A. Edison
charghwI'