tlhIngan-Hol Archive: Fri Jun 19 15:06:37 1998
[Date Prev][Date Next][Thread Prev][Thread Next]
RE: De'wI' chu'
- From: "Andeen, Eric" <[email protected]>
- Subject: RE: De'wI' chu'
- Date: Fri, 19 Jun 1998 15:01:29 -0700
lab charghwI':
>nom De'wI'mey Dub chenmoHwI'pu'. reH De'wI'mey chu'
>DIje'laHtaHbe'. Hoch yap wIloS 'ej nIponDI' De'wI' chu'
>*benefit*mey chu', QIt De'wI' chu' wIje'qangchoH.
bIjatlhchu'.
wej ben De'wI' vIghaj. vIje'DI' Dun. Qapchu'. 'oH HoSghaj law' HochHom
De'wI' HoSghaj puS. 'ach De'wI' lo'qu'lu'taHchugh, nom QopchoH. pIjHa'
luj luchna', 'ach QIt QapHa'choHbej De'wI'. QaptaH 'e' mev lumIwmey. meq
tu'be'lu'law'. mIw jomqa'lu'chugh rut Qapqa'; rut Qapbe'taH.
chImmoHlu'chu'chugh qawHaq 'ej jomqa'lu'chugh QapmeH pat, Hoch mIwmey
je, chu'qa'law' De'wI'. 'ach tugh QapHa'qa'. 'ej rut mIw chu'
QapmoHlaHbe' De'wI' ngo'. De'wI' Dublu'chugh vaj chaq mIw chu'
QapmoHlaH. chaq Qapbe'taH.
QopchoHbe' Hoch De'wI'mey. De'wI' lo'qu'be'lu'chugh, QopchoHbe'.
notlhchoH, 'ach qay'be': lo'qu'be'lu'. mIwmey chu' poQlu'be'. Qu'DajvaD
yap.
De'wI'wIj'e' vIDubtaH. qawHaq vISachmoH. luch chu' vIjom. cha'logh tlhoS
qawHaq vIchImmoH 'ej <Qorwagh HutmaH vagh> vIjomqa'. 'ach DaH De'wI'
chu' vIje'nISchoH 'e' vItlhoj. wej yap HuchwIj, 'ach loQ jIloSlaHba'.
'ej chaq De'wI' chu' vIje'nISbe'. chaq luch vIje'laH 'ej De'wI' chu'
vIchenmoHlaH. wej jIwuq.
pagh