tlhIngan-Hol Archive: Tue Jun 16 07:05:44 1998
[Date Prev][Date Next][Thread Prev][Thread Next]
Re: De'wI' chu'
On Mon, 15 Jun 1998 21:16:49 -0700 (PDT) Alan Anderson
<[email protected]> wrote:
> mujang charghwI':
> >> <Qorwagh> lo'chugh De'wI', SIbI' notlh. :-P
> >
> >Daj vuDlIj. *Mac* DamaSlaw'. Qorwaghmey notlh law' *Mac* notlh
> >puS 'e' DaHarlaw'. qarchugh vaj qoHpu' chaH HutmaH vatlhvI'
> >De'wI' je'wI'pu''e'.
>
> bepta'ghachwIj meq Dayajchu'. notlh <Qorwagh> 'e' vImaqbe'.
> De'wI' jo natlhmo' <Qorwagh>, notlhchoH De'wI''e'.
> <Qorwagh> chu' lo'chugh De'wI' ngo', QIt Qap. tlhoS Qapbe'.
DaH jIyaj. bIQIjchu'mo' qatlho'. jIQochbe'. Qu' ngo' ta'laHchu'
De'wI' ngo'. pIj Qu' chu' ta'laHbe'. Qu' wa' neH 'oH QapmeH pat.
<Qorwaghmey HutmaH vagh> lo'laHchu' De'wI'wIj. *Descent II*
QujlaH je. <Qorwaghmey HutmaH vagh>vaD *Descent* veb ghunlu'pu'.
Qujvam QujlaHbe' De'wI'wIj. Qujvam jomQo' jomwI'Daj. Do yap
ghajbe'law' cha' ben De'wI'wIj. wa'vatlh wejmaH wej *MHz* tlhaq
lo'. wa'vatlh javmaH jav *MHz* tlhaq HaSta le' joq poQ Qujvam.
*laptop* 'oH De'wI'wIj. HaSta tlhaq joq vIchoHlaHbe'.
vaj Qujmey ngo' neH vIQuj. qay'be'. pIjHa' QujmeH poH yap vIghaj.
> <Qorwagh> HutmaH vagh lo'laHbe' vagh ben De'wI' motlh.
> <Qorwagh> HutmaH chorgh lajbe'law' puqloDwI' wej ben De'wI'.
De'wI' ngo'vaD <Qorwagh HutmaH chorgh> poQbe'lu'. janmey chu'
QapmoH QapmeH patvam. janmey chu' ghajbe' De'wI'mey ngo'. *USB*
*FireWire* *DVD* ghajbe' De'wI'lIj. janmeyvam QapmoH QapmeH
patvam. ram QapmeH patvam latlh *feature*mey.
> >De'wI' wIvmaj wItIchnISbe'. chIm mu'meylIj. ram. bep pujwI'
> >neH. yIpujQo'. bIbep 'e' yImev!
>
> De'wI' vItIchbe'. <Qorwagh>mo' neH jIbepbe' jIH.
> De'wI' Quj chu' QujlaHbe'mo' puqloDwI', bep ghaH.
jIyajchu'.
> jIHvaD bep 'ach vItI'laHbe'. notlh neH De'wI'Daj.
nom De'wI'mey Dub chenmoHwI'pu'. reH De'wI'mey chu'
DIje'laHtaHbe'. Hoch yap wIloS 'ej nIponDI' De'wI' chu'
*benefit*mey chu', QIt De'wI' chu' wIje'qangchoH.
> -- ghunchu'wI'
charghwI'