tlhIngan-Hol Archive: Tue Jun 16 06:37:59 1998
[Date Prev][Date Next][Thread Prev][Thread Next]
Re: ghommaj le'
On Mon, 15 Jun 1998 21:21:07 -0700 (PDT) Alan Anderson
<[email protected]> wrote:
> mujang charghwI':
> >HI' ghaHchugh, ra'nISchu'. qorDu' ra'nISchu'chugh HI' vaj
> >qorDu' voqHa'nIS. voqchugh vaj wuqlaH qorDu' 'e' chaw'nIS.
>
> jIQoch. ra'nISbe' HI'. SeHnIS neH.
> HI'Hey QaQ voqqang qorDu' Quch, qar'a'?
QuchHa'choH qorDu', nuq Dachup? HI'tuyvaD pabnIs Hoch. HI'
lobnIS. QuchHa'chugh qorDu' vaj Do'Ha' ghu', 'ach ra'taH HI'.
wuqlaHchugh Hoch vaj qaq ghu'. jatlhlaH Hoch 'ej QoynIS Hoch.
valba'bogh qech wIv qorDu' naQ. nIvuv 'e' DabajnIS.
Dabajbe'chugh vaj DaSeHlaHbe'. HI'tuy'Daq HI' Qan chut. qorDu'
Qan pagh. HI'tuy'mo' qorDu' ghonglaH HI'. vIghonglu'pu'. not
HI'tuy' vIcherghqa'.
chaq HI' QaQ SoH. jISaHbe'. qaS HI' qab 'e' luchaw'mo'
HI'tuy'mey, Hoch HI'tuy'mey vImuSchu'.
> >not wuq qorDu' vaj wuqchu'meH mIw ghojlaHbe' qorDu' jeSwI'pu'.
>
> qorDu'vaD neH wuq qorDu' HI'Hey.
> reH Hoch nuvvaD wuq'a'? ghobe'.
> qorDu' He luwIvbe' jeSwI'pu', 'ach jeSwI' He wIvlaH Hoch jeSwI'.
qorDu'vaD jeSlu'chugh vaj rap qorDu' He qorDu'Daj je. qorDu' He
SIghlaHbe'chugh, qorDu' mejpa', HeDaj wIvlaHbe'.
> >Qochbe'meH mIw ghojnIS Hoch qorDu' jeSwI'pu'.
>
> latlh vuD Qoyqang HI' QaQ. QochnISbe' Hoch. lobnIS neH.
> Duj beq rur, qar'a'? ra'DI' HoD, vang beq.
HI' QaQ DaDel, 'ach QaQchu'chugh, Hoch HoS poQbe'. 'ach Hoch HoS
ghaj Hoch HI'. qab HI' law'. HI'pu' qab lughmoH 'Iv? QoynISbe'
HI' qab. noHHa'chugh HI', ghu' lughmoH 'Iv?
jeSwI' Dachugh HI' QaQ, vaj vuDDaj vuv latlh jeSwI'pu'. wuqlaH
Hoch, 'ach roD wIvchaj SIghlaH jeSwI'vam. jeSwI' Dachugh HI'
qab, vaj Dub'eghnIS pagh lubuSHa'. QaQchugh HI' joq qabchugh
HI', ram. QaQ qorDu' ghu'.
HI'tuy' rur qorDu', vaj qabchugh HI', Do'Ha'qu' qorDu' ghu'.
qorDu' SanvaD qatlh SuD?
> >wuqchugh HI' neH vaj lI'be'taH latlhpu' Sov latlhpu Duj je.
>
> HI' qab DaSIQlaw'pu'. Do'Ha'.
qarchu'.
> >wuqDI' qorDu' Hoch jeSwI'pu', qorDu' HoS law' HI'tuy HoS puS.
>
> "committee" 'oHbe' qorDu''e'.
> wa' Qu'vaD wa' DevwI' tu'lu'.
Qu' law' ghaj qorDu'.
> >HI' mojmeH puqloD loSnIS 'e' DaHarlaw'.
> >reH toy'taH neH be'pu' 'e' DaHarlaw' je. jaS maHarba'.
>
> Dochmeyvam vIHarbe' jay'.
wa' HI' ghaj qorDu' 'e' DaHarlaw'. reH loD ghaH HI'vam'e'. HI'
lobnIS Hoch jeSwI'pu' 'e' DaHarlaw'. jeSwI'pu' chaH Hoch
be'pu''e'. reH loDvam lobnIS Hoch be'pu'. not DevlaH be'pu'.
not DevlaHchugh 'ej reH lobnISchugh, vaj reH toy'nISlaw'.
jIyajHa'chugh vaj jIHvaD yIQIj.
> -- ghunchu'wI'
charghwI'