tlhIngan-Hol Archive: Thu Jun 11 20:33:16 1998
[Date Prev][Date Next][Thread Prev][Thread Next]
Re: Qap mongDech Degh
mujang charghwI':
>> 'oQqarmeywIj mIQlu'lI'mo' jIloSnIS 'ej maja'chuqlaH.
>
>tlhaQqu' yabwIjDaq ghu' vIleghbogh: qul vIlegh. qul botlhDaq
>'oQqarmey vIlegh. qIjchoHlI'. QaDchoHchu'. qIjchoHchu'.
>meQpu'bogh Sor Hap nIn 'ay'mey qIj rur. DaSopDI' chuSqu'.
>qIjchoH Ho'Du'lIj. rollIjDaq 'ay'Hommey tu'lu'. bImontaH.
'oQqarvam meQqu'lu'be'. mIQqu'lu'. QaDchoHbe'bej.
'oQqar vIyIvtaHvIS chuSbe' 'e' vImaS. ngalchugh qay'be', 'ach
pe'vIl vIchopnIS vIneHbe'.
>tlhagh 'Imlu'taH 'ej tlhaghvamDaq 'oQqarHommeylIj chaghlu'
>qar'a'? mo'HomDaq tlhaghDaq lanlu'. rInDI' mo'Hom peplu' 'ej
>nav ngaSwI'Daq lan 'oQqarHommeylIj, qar'a'?
qar. tlhoS bIyajlaw', 'ach chaq loQ bIyajHa'taH.
>..pagh 'oQqar naQ DaSop'a'? pa'Hom tujqu'Daq lan 'ej QaDchoH
>'oQqarlIj. 'ej 'oQqarlIjDaq nIm tlhagh lanlu'.
'oQqar naQ vIDelbe'. naQ rurbe' je 'oQqarvam. :-)
>'oQqar yIDeltaH! wej DaDelchu'.
gho beQ 'oH 'oQqarvam'e'. chenmeH mIw vISovbe'. mach. chaq
nujwIjDaq quqlaH chorgh gho. Hut vIlan 'e' vInIDchugh, HotchuqlaHbe'
wuSwIj. chISqu' gho tlhol. tlhagh tujqu'Daq HaH vutwI'. gho
mIQlu'taHvIS HurghchoH Hur. tujqu'taH. SIbI' Soplu'chugh, SopwI'
jat meQlaH. tuvnIS SopwI' yep. 'oy' SIQnIS SopwI' jaq.
nIQvaD neH 'oQqar nay'vam jablu'. DaH vIDelchu'ta''a'?
-- ghunchu'wI'