tlhIngan-Hol Archive: Thu Jun 11 20:09:52 1998
[Date Prev][Date Next][Thread Prev][Thread Next]
Dal qep
- From: "William H. Martin" <[email protected]>
- Subject: Dal qep
- Date: Thu, 11 Jun 1998 23:11:40 -0400 (Eastern Daylight Time)
- Priority: NORMAL
bIngDaq QIn yItu'. wa'Hu' vIqon. De'wI'Homvo' vIlab, 'ach
De'wI'HomwIj Quv par KLI De'wI'. QInwIj bot. DaH lath De'wI'vo'
vIlab. chaq lI' KLI De'wI'. {{:)>
cha' qech pov Del mu'tlhegh vebHa'. tlha' QIn:
DaH qepDaq jIratlh. jIjeSbe'. jIQam neH. jIloS. mevDI' qepvam
jImuchmeH De'wI'wIj vIcherchoHlaH. Qorwagh HutmaH chorgh
vIDelnIS.
DaH mev. jItaghnIS. tugh jIchegh.
..
jIchegh. jIQaplaw'. jImuchta'DI' munaD jeSwI'pu'. tlhaq munob.
mI'mey ghajbe' tlhaqvam. rep ghop tup ghop je ghaj. lup ghop ghajbe'. los
tlheghHom neH ghItlhlu'. DungDaq DungluQ ramjep ghap 'ang tlheghHom. nIHDaq
wejvatlh rep wa'maH vaghvatlh rep ghap 'ang latlh. bIngDaq javvatlh rep
wa'maH chorghvatlh rep ghap 'ang tlheghHom veb. Hutvatlh rep cha'maH
wa'vatlh rep ghap 'ang tlheghHom Qav. qIj tlhaq. chIS ghopDu'
tlheghHommey je. 'IH.
DaH jIvummeH jImejnIS. pItlh.
charghwI'