tlhIngan-Hol Archive: Mon Jun 08 14:57:21 1998
[Date Prev][Date Next][Thread Prev][Thread Next]
Re: KLBC: Simple plurals
- From: "David Trimboli" <[email protected]>
- Subject: Re: KLBC: Simple plurals
- Date: Sun, 7 Jun 1998 14:19:18 -0400
From: [email protected] <[email protected]>
>In a message dated 98-06-05 17:57:45 EDT, SuStel writes:
>
><< "Sliders" Dabejpu''a'? tera'mey law' Such lengwI'pu'vetlh. >>
>
>not lutHomvetlh vIbejpu'
>TOS, TNG, DS9, Voyager ghap 'oH'a' lutHomvetlh'e'
ghobe'. "television program" pIm 'oH "Sliders"-'e'. loQ vIDel.
*San Francisco* DabtaH *Quinn Mallory*. ghojwI' 'oghwI' je ghaH. bong jan
chu' 'ogh: latlh tera'meyDaq vay' luplaH janvam. pIj "parallel Earth"
ponglu'.
wa'logh tera' chu' Such. rurqu' tera'Daj, 'ach loQ pIm. tera'DajDaq
cheghDI', latlh *Quinn* tu'. "Slider" ghaH *Quinn*vam'e'. loQ ja'chuq
chaH. mej *Quinn* cha'DIch 'ej tera'DajDaq chegh.
tera'mey chu' Such *Quinn* neH ghaH. tlhejqang cha' juppu': *Maximillian
Arturo* (ghojmoHwI'Daj) *Wade Wells* je.
lengmeH 'och poSmoHDI', jan HoS ghur *Quinn*. 'och SeHlaHbe'. chaH 'elmoH
'och. HurDaq vIHchoH 'och. junlaHbe' *Rembrandt Brown* (bomwI') "car"-Daj
"drive"-taHvIS.
tera' chu'Daq paw loS ghotvam. tera'vamDaq Dat chuch tu'lu'. narghpu' Hoch
ghotpu'. ratlh *San Francisco* qachmey, *Golden Gate Bridge* je neH. Qob
ghu' 'ej nom mejnIS. 'ach nom mejmo' chaH, juH tera'Daq cheghlaHbe'!
tera'mey Suchbogh Del "Sliders". reH pImqu' tera'mey Suchbogh.
nom jIQIjpu'. bIyajchu'be'chugh jIQIjchu'.
SuStel
Stardate 98433.3