tlhIngan-Hol Archive: Wed Dec 23 10:23:28 1998
[Date Prev][Date Next][Thread Prev][Thread Next]
Re: Problem Words
qaSDI' 08:34 PM 12/22/98 -0800, ghItlh SuStel:
>
>*Contact* vIlaDpa' *Ockham's Razor* vIQoypu'qu'! 'ach *Contact* bejlu'pa',
>pIjHa' "Ockham's Razor" Qoylu'. DaH pIj "Ockham's Razor" Qoylu'.
>
>Qa'Hom rur QeD lutmey bejbogh ghot law''e'. vay' maqDI' lut, ngoDqoq
>luHarchu' bejwI'. munuQchu' DoghwI'pu'vam.
qatlh bIbep? "Ockham" 'etlh lo'Ha' "Contact" qonwI'pu' 'e' DaHar'a'? 'e'
vIHarbe'. lo'chu'. pagh, "Ockham" 'etlh lo'Ha''a' QeD lutmey bejbogh
ghotpu'? yIQIj.
>"T-Rex" luQoymo' "Jurassic Park" bejwI', reH "T-Rex" lujatlh 'e' luHar!
>jIjatlh: "Jurassic Park" Dabejpa', "Tyrannosaurus Rex" bIjatlh. vIjanglu':
>qarbe'! reH, reH "T-Rex" jIjatlh jay'! jIqarbejqu' jIH, 'ej ngebwI'pu' Har
>qoHpu'vam.
qar "T-Rex", qar "Tyrannosaurus Rex". DaH "T-Rex" lo' nuvpu' law',
potlhbe'. 'ach "Jurassic Park"Daq, latlh ngoDqoqmey tu'lu'bej. "Jurassic
Park" lung'a'mey tIn law', lung'a'na'mey tIn puSbej. potlh ngoDvam.
SuSvaj