tlhIngan-Hol Archive: Tue Dec 15 21:44:06 1998
[Date Prev][Date Next][Thread Prev][Thread Next]
Re: ray'
ja' Qov:
>muD Duj puvmeH pat vIghojlI' naDev 'e' luSov 'op jeSwI'.
vay' ghojchoHDI' Qov, ghojchu' net pIHbej.
>paw'be'chuqmeH Dujmey, DughtaH HoD. <legh 'ej jun> jatlhlu'. <SoH
>bIngDaq *Cessna 152* tu'lu'> jatlhchugh vay', pIj jatlh latlh <DoS
>vIlegh>.
pIm mu'tay' vISovbogh jIH. Do'Ha' mu' vIqelbogh vImughlaHbe'.
He nISchoHlaHchugh Duj, 'oHvaD "traffic" perlu'. chaq pIm
FAA mu' CAA mu' je.
>mumonmoH mu'vetlh. DoSvetlh yIqIpQo'!
DoSvetlh yImupQo' je. :)
><Duj vIlegh> jIjatlh jIH.
jatlh vavwI': <puSta'>. toH, DoSHey 'oHqu'!
>mu'tay' chu' vIHaDnIS. vIghojta'DI' tlhIHvaD muD DujwIj vIDel.
>not SeSna' mojjaj *Cessna*wIj!
DaDel 'e' vIloS. muD Duj cham vIyajchu' jIH; maja'chuqlaH.
ghel: qatlh DujDaq muD vo'wI' jomlu'?
jang: DeghwI' bIrmoHtaH vo'wI'.
choHarbe''a'? mevchugh, yIQchoH DeghwI' Quch 'e' yIbej!
-- ghunchu'wI'