tlhIngan-Hol Archive: Wed Aug 26 21:16:45 1998
[Date Prev][Date Next][Thread Prev][Thread Next]
Re: DIS cha' SaD lotHey
ja' charghwI':
>> QapHa'chugh pat, lI'be' latlh *software*.
>
>jIyajbejbe'. <<De'wI' QapmeH pat>> bIjatlhDI', *Operating
>system* Daqel'a'? ram. choHDI' jaj mI', QapHa'be' *OS*. chaq mI'
>muj nob, 'ach mevbe'. QaptaH latlh *software*.
mI' muj nobchugh pat, QapHa'bej. lugh pat 'e' wuvchugh latlh,
QaplaHbe' latlhvetlh.
>latlh *OS* vonlu' net Har neHbej *Apple* De'wI' malja' 'ach
>qarbe'bej.
lach, 'ach vItHom Del.
>> jaj mI' lo'bej Huch *software*. ngoDvam luwuvqu' Huch malja'.
>
>jIQochbe', 'ach *software*chaj tobbej Huch malja', 'ej
>jaj mI' lu'oSmeH chaH, *decimal* mI' lulo'be'.
tobbe'chugh 'op malja', qaSlaH Seng. chaq DIlbe' mIw motlh.
qo' naQvaD Qugh lIngbe', 'ach Huqlu' 'e' nISlaH.
>> bIlughbe'. COBOL yIqel. DIS mI' lo'bej.
>> DIS cha' SaD lo'DI' COBOL mIw ngo', luj.
>
>*COBOL* vIlo'ta'. vIyajchu'. Sar mI' mIwDaj. cha' *decimal*
>mI'mey lulo' qoHpu' neH. vay' wuqchugh mI', *binary* mI' lo'.
De' polmeH *binary* lo'be' COBOL ngo' 'e' DaSovbe'law'.
qawHaqDaq De' ghItlhmeH, reH *decimal* lo'. reH.
>ja' neH *packed decimal* Segh. not wuqmeH lo'nIS net Sov.
>chutvam lubIv qoHpu'neH.
not chutna' 'oH chutqoqvam'e'. DIS mI' qelchu'be' COBOL SochmaH loS.
chenpa' COBOL chorghmaH vagh, roD DISvaD cha' *digit* lo'lu'.
>> lot'a' 'oHbe', 'ach qay'bej. ghaytan luj De'wI' law'.
>> qaSchugh wa' Seng, qay'qu'be'. 'ach quq Seng law'.
>
>bIlachlaw', 'ach jIyaj. lachqu' po'wI'pu'Hey law'.
law'qu' DIS SaHbogh patmey.
lujchugh wa' vatlhvI' patvam neH, luj pat law'.
jorbeH qo' jIja'be'. mevbeH tayqeq jIja'be'.
'ach lujchoH mIwHommey law' 'e' vIpIHbej.
ghaytan Qobbe' ghu', 'ach ghaytan berghmoH.
>qaSDI' DIS cha'SanID, jIHvaD HIq bIr yIje'. DIS cha'SanIDmo' HIq
>Daje'laHbe'chugh, vaj latlh HIq qanob. qaSpa' DIS cha'SanID
>vIje'ta' 'ej SoHvaD vIpol. Segh DamaSbogh yIDel. {{:)>
motlh HIq vIpar. 'ach chaq QapHa'bogh mIw vISIQta'mo' jIHaH'eghrupchoH.
vaghvatlh Hu' HIrI'qa'.
-- ghunchu'wI'