tlhIngan-Hol Archive: Fri Sep 26 16:36:21 1997
[Date Prev][Date Next][Thread Prev][Thread Next]
mInwIj lunuDlu'
- From: Marian Schwartz <[email protected]>
- Subject: mInwIj lunuDlu'
- Date: Fri, 26 Sep 1997 19:32:55 -0400
DaHjaj mInwIj lunuDlu'. taghtaHvIS, nav law'Daq De''a' wIqonnIS.
rInDI' pa'HomDaq jIjaHmoHlu'. ngaj taHvIS poH jIloS. tugh 'el mInchamwI'
'ej munuD. rInDI' 'el vavwI' loDnI'wI' je. mIvchaj lunIDnISlu' je.
puqloDwI' ghaH nuv'e' cha'DIch nuDlu'bogh. rInDI' vavwI' nuDlu'. loQ
HopwI'mey leghlaHbe' mIvDu'wIj 'e' tu' ghaH. vaSDaq mInDu'wIj Hos lunuD.
pe'vIl mInwIj 'el SuS. latlh pa' vI'el 'ej munuD latlh mInchamwI'. jIb
Hutlh nachDaj 'ay'. Qatlhqu' jo'Daj. loQ HopwI'mey leghlaHbe' mIvDu'wIj
'e' tob ghaH. 'el vavwI' loDnI'wI' je 'ej chaH lunuDlu'. pup loDnI'wI'
mInDu'. (ghaH Qup law' jIH Qup puS.) vavwI' mInDu' lulajlu'. DaHjaj
*migraine* vIghajmo' munuDtaH luneH. latlh pa' vI'el 'ej munuDchoH mInQel.
tu'HomI'raH 'oH 'e' vIHar, 'ach neHqu' Qelpu' 'ej qaSbe'chugh ghaytan
qaSbe'chugh, rejmorgh ghaH SoSwI''e'. jInuDlu'pu'DI' loQ SumwI'mey
leghlaHbe' mInDu'wIj, vaj *glasses* ru' munob. DuSaQDaq jIpaS -- HutmaH
tupHey. 'ach jISaHqu'be'. motlh jaj vaghDIch, qaSbe' potlh.
Qapla'