tlhIngan-Hol Archive: Wed Oct 29 12:43:35 1997
[Date Prev][Date Next][Thread Prev][Thread Next]
Re: Qe'HommI'QeD
- From: "William H. Martin" <[email protected]>
- Subject: Re: Qe'HommI'QeD
- Date: Wed, 29 Oct 1997 15:43:12 -0500 (Eastern Standard Time)
- Priority: NORMAL
charghwI'
QIt jIjangmo' jItlhIj. QInvamvaD nI'mo' yabmeH poH leSvaD
vIpolta' 'ej DaH jIjang.
On Wed, 15 Oct 1997 10:27:28 -0700 (PDT) David Trimboli
<[email protected]> wrote:
> This was just a quick translation for fun.
wejpuH. latlhpu' toblaH laHlIj. SoHvaD ngeD Qu'vam 'ach
latlhvaD Qatlh Qu' Danobpu'.
> I didn't try very hard, so it's
> probably almost incomprehensible. At least a few of you should be able to
> recognize it.
>
> [email protected] on behalf of William H. Martin wrote:
> > On Mon, 13 Oct 1997 10:54:34 -0700 (PDT) "Andeen, Eric" wrote:
> >
> > > mIghbe'bej mI'QeD. lI'qu'. mI'QeD DaHaDvIpchugh, not DujlIj DachIjlaH.
> >
> > Qe'Daq 'uQ wIDIlnISDI', De'wI'Hom lo'choH latlhpu' 'ach yab neH
> > lo' *pagh*. jabwI' Huch rup je wuq 'ej mon. De'wI'Hom legh 'ej
> > nogh ghIchDaj. De'wI'Hom lo'nIS net chupchugh, vaj *pagh*
> > tIchlu'. <<pujchugh yablIj, De'wI'Hom yIlo'!>> jatlh *pagh*.
> >
> > mI'mey bIH *pagh* juppu''e'. mI'mey yItIchQo'! bortaS Sam *pagh*.
chaq mu'tlheghvammo' Qu' qay' vItaghpu'. chaq vIpaytaH...
> Hovmey joj tInqu'Daq lengmeH Dun mIwvam chu': Qe'HommI'QeD QuQ.
> mISmoHchu'bogh **ghaytanHa'ghach mI'mey Qob lulo'nISbe'.
loQ mu'vam le' vIghovlaH 'ach vIyajchu'be'.
> mI'mey yajmeH povbogh mIw chu' 'oH Qe'HommI'QeD'e'. Habbe' logh 'e' tob
> Einstein: loghDaq vIHchugh bejwI', logh choH ghaH; 'ej Habbe' poH 'e' tob:
> poHDaq vIHchugh bejwI', poH choH ghaH. DaH yajlu': Habbe' mI'mey. mI'mey
> luchoH bejwI', Qe'meyDaq vIHchugh ghaH.
jIQochbej. Hoch bejwI'vaD pIm logh 'ej pIm poH 'e' tob
*Einstein*. Hab'a'? Habbe''a'? ram. not ngoDqoqvam tobta'. tlham
QIjmeH Habbe' logh 'e' chup *Einstein* 'ach not ngervam tob.
*graviton*mey lo' ngerqoqvam 'ach not *graviton* tu'ta' vay'.
*graviton*mey tu'lu'be'. valqu' *Einstein* 'ach reH lugh'a'?
ghobe'!
> choHtaHbogh mI' wa'DIch: raSDaq ba' ghot 'ar 'e' pIH Qe' vu'wI'? SartaH
> mI'vam, wejlogh Qe' lurI'taHvIS SopwI'pu'. pIm mI'vam, Qe' luSuchbogh ghotpu'
> mI' je. mevDI' ghe'naQ/mu'qaD veS/lopno'/much, paw je ghot mI' pImqu'.
> latlhpu' pawpu'bogh leghDI', mejbej ghotpu' 'ej pImqu' je mI'vam.
jISaHbe'.
> choHtaHbogh mI' cha'DIch: ghorgh paw Hoch? mI'QeD qech Hujqu' 'oH DaH net
> Sov: **yoyyIHa'teq. yoyyIHa'teq QIjlu': nuq 'oH? nuqvam 'oHbe'. vaj, pawmeH
> poH 'anglu': pawlaHDI' pagh, pawpu' Hoch net nab. DaH mI'QeDvaD potlh
> yoyyIHa'teqmey. lulo' mI' toghwI'pu', Huchtejpu' je. <latlhvaD qay'> HoS
> chenmoHmeH lo'lu'.
mu' *yoyyIHa'teq* DaQIjta'be'chu'mo' jIQIHchoHlI'. 'ach chaq paq
<<rInDI' 'u' ratlhtaHbogh Qe''e'>>vo' qechmey DanIH. <lathvaD
qay'> HoSchem 'e' vIghovlaw'.
> choHtaHbogh mI' wejDIch (mI'vam Huj law' Hoch Huj puS): DIlmeH navDaq Doch 'ar
> tu'lu'? Hoch Doch DeQ 'ar poQlu'? raSDaq ghot 'ar tu'lu'? DeQ 'ar nobrup
> Hoch? (Huch lughajqu'bogh ghotpu' mI' 'oH QeDHom'e' neH.) chay' Qap
> mI'meyvam?
chaq SaH verengan motlh 'ach jISaHbe'.
> mISmoHbogh QaghHeymey luqelmo' neH pagh SaghtaHvIS, not nuDchu'ta' qaStaHvIS
> vatlh poH law'.
nuqjatlh? Dap 'oH. vIqelmo' mumISmoHpu' QaghHeymeylIj.
mu'tlhejlIj neH pagh. bISaghlaHbe'taH. not bInuDchu'ta'. nuq 'oH
vatlh poH law''e'?
> taylu'mo', tayHa'lu'mo', QeHlu'mo', mIylu'mo', Doy'lu'mo',
> Quchlu'mo', qoj paSlu'mo' qaS QaghHey 'e' Har Hoch, vaj po veb
> lulIjlu'chu'pu'. not QeDqachDaq ngonglu', QeDqachDaq qaSbe'mo' QaghHeymey --
> QeDqach quvDaq.
jISaHbe'. jIghungchoH. nuqDaq oH Qe' QaQ'e'?
> vaj De'wI'Hommey'e' lu'oghlu'DI' merbogh vIt 'anglu'.
tugh! SSSSSSSSS!
> Qe' qoDDaq DIlmeH navDaq je mI'mey lughItlhlu'bogh, 'ej latlh 'u' 'ay'Daq nav
> latlhDaq je mI'mey lughItlhlu'bogh, mI'QeD chut pImqu' pab.
yIQIj!
> QeDmey tejpu' je jevchu' mu'tlheghvam. chu'moHchu'. Qe' QaQDaq qaS mI'QeD
> qep'a'mey law'qu' vaj Hegh wa' puq poH valchu'wI', pI'qu'mo' 'ej QapHa'mo'
> tIqchaj. tlhoS mI'QeD Qaw'lu'chu'.
jISaHbe! ngoD vISaHlaHbogh yI'ang!
> 'ach QIt qech yajchoHlu'. chImpu'. maw'pu'. HeDaq yIttaHchugh vay',
> jatlhlaHpu' <va, quSDaq yIba'.> DaH mu'mey le' lu'oghlu': <DaqDaq pe'vIlmey
> Daghach>, 'ej leSlaH Hoch 'ej ruchlaH.
You forgot that rule again about verbs of speech not being able
to have aspect markers... 'ej ramqu' qechmeyvam. maQuchtaH. "We
are not amused."
> SuStel
> Stardate 97787.3
>
chaq not vIjangpu' vIneH.