tlhIngan-Hol Archive: Thu Oct 23 11:44:04 1997

Back to archive top level

To this year's listing



[Date Prev][Date Next][Thread Prev][Thread Next]

veQ 'oHlaw' QuQwIj'e'




wa'Hu' ram qaS Qugh.  "Williamston" vengHom jIDab, 'ach "East Lansing"Daq
DuSaQ'a'wIj tu'lu'.  vaj, SoQmeywIj vISaHmeH, Hoch jaj wa'maHcha' quelI'qam
vIlengnIS.  Wa'Hu' "East Lansing" vIghoStaHvIS, vay' Huj vIQoy.
chuSchoHtaHbej QuQwIj.  QuQ vIQoychu'meH QoQwIj vIchu'Ha'.  vaj,
jonta'wIjDaq, jor vay'!  "Mirror"wIjDaq DI tuj tlhIch je vIlegh, 'ej
mevchu' jonta'wIj.  "qaSpu' nuq jay'" 'e' vIQub.  DujwIj vIHaw', 'ach
DujbIngDaq QIH vInejDI, pagh vIleghlaH.  QuQ vInuD, 'ach QIH
vIleghlaHchu'be'.  qay' nuq?  qaStaHvIS wanI'vam Do'Ha' ngoDvetlh vISovbe',
'ach Heghpu'bej DujwIj, vaj jIyItnIS.  Do' tugh mutu' He ngIvwI. 

DaHjaj po jIHvaD Qum DujwIj tI'wI'.  muDuQbej mu'meyDaj.  Qaw'lu'bej
jonta'wIj!  tI'laH pagh, lI'be'qu' 'oH!  qatlh qaS wanI'vam?  Sovbe'law'
tI'wI', 'ach veQ 'oHbej QuQ.  DaH chay' jIvang?  'e' vISovbe'.  DaH QuQ
qa'meH vIDIllaHbe'.  Hoch jaj wa'maHcha' quelI'qam vIyItlaHbe'mo' DaH
"Williamston" jIDablaHbe'bej 'ej   ghaytan, lupwI' vIlIghnIS.       

SuSvaj



Back to archive top level