tlhIngan-Hol Archive: Thu Oct 23 10:24:32 1997
[Date Prev][Date Next][Thread Prev][Thread Next]
RE: HeghlI' wa' SuvwI'
- From: "David Trimboli" <[email protected]>
- Subject: RE: HeghlI' wa' SuvwI'
- Date: Thu, 23 Oct 97 17:17:15 UT
[email protected] on behalf of TPO wrote:
> SuStel wrote:
> >[email protected] wrote:
> >> HeghlI' vavnI'wI'
> >> qanqu' ghaH
> >> chorghmaH wej ben bogh
> >[...]
> >> tugh Hegh 'e' vItul
> >> batlh Hegh vIneH
> >
> >Do'Ha'. batlhHa' Hegh. not jagh Suvqa'. tlhIngan ghaHchugh vavnI'lI''e'
> >HeghDI' ghe''orDaq jaH.
> >
> >vavnI'lI' vIvup.
>
> qatlh 'e' bIjatlh?
> qatlh ghe''orDaq jaH?
> batlh yIn pagh batlhHa' yIn 'e' DaSovbe' SoH
chaq quvpu'. 'ach HeghDI' may' Suvbe'taH. QongDaqDaq Hegh. quvHa' Sanvam.
Qu'Daj ta'taHvIS Hegh 'e' tul Hoch tlhIngan. Lieven vavnI'vaD DuHbe' Heghvam.
rIQDI' wo'rIv, mevpu' yInDaj 'e' Har. HoH'egh neH ghaH. quvpu'bej wo'rIv
'ach yo' qIjDaq jaHmeH HoH'eghnISlaw'. yapbe'law' quv Suqpu'bogh.
> not jagh Suvqa''a'?
> HeghDI' Sto'vo'qorDaq jagh Suvlu'chu'taH
DIb'a'vam bajnISlu'. potlhqu' Hegh.
> qanqu'mo' neH ghaH batlhHa' ghaH bIjatlh'a'
ghobe'. qanqu'mo' may' SuvlaHbe'. ghu'mo' quvHa' HeghDaj.
tlhIngan tIgh vISovchu'be'. yo' qIj muvmeH yIn quv law' law' Hegh quv law'
puS chaq net chaw'.
> mu'tlheghmeylIj vImughHa'chugh mu'tlheghmeylIj yIQIj
mu'tlheghmeywIj Dayajlaw'pu' 'ach qechwIj Dayajchu'be'.
> *Qang* ghe'naQ yIqaw
vIqawlaw'. QongDaqDaq nga'chuqtaHvIS qang be'Daj je Hegh, qar'a'? quvchu'
Heghvam! may' rur parmaq taymey.
SuStel
Stardate 97811.7