tlhIngan-Hol Archive: Sun Oct 19 19:58:34 1997
[Date Prev][Date Next][Thread Prev][Thread Next]
wej jaj vIDel
- From: "William H. Martin" <[email protected]>
- Subject: wej jaj vIDel
- Date: Sun, 19 Oct 1997 22:59:56 -0400 ()
- Priority: NORMAL
charghwI'vo':
*Charlottesville*Daq qaStaHvIS cha'maH wa' DIS qaSDI' Hoch DIS
mamI'qu' 'e' wIlop. qaStaHvIS wej jaj mamI'. mamI'meH paw
nuvpu' Hopqu'. cha'Hu' ghom cha'vatlh Hut nuv. jan'a'Daj mach
chu' *Rodney Miller*. mI'wI'pu' ra' *Cis Hinkle*.
paw je tIqwIj bommoHbogh be''e'. reH qabDaj ghopDaj joq vIHot
vIneH. mInDu'Daj vIbej vIneH. mamI'DI' jIQuchchu'. mI'DI' ghaH
latlh je vIbej vIneH. mInDu'wIjvaD 'IHchu'. qul tun rur jIbDaj.
(tIqwIjDaq reH ghaHvaD qul tun vIghaj.) Sor Hap Hurgh rur
mInDu'Daj.
mI'wI' vaS vI'IHnISmoH. Qu'wIj 'oH. manabmeH muQaH wej be'.
mI'wI'pu' vI'IHmoH vIneH je. mI'wI'pu'vaD *glitter* vInob.
vaghlogh cha' mI'wI' QIb qIj ghItlh be'. QIbmeyvam DIchenmoHmeH
DIpe'. bom pIqaD wIghItlh 'ej DIpe' je. cha'vatlh vaghmaH
*balloon*mey DIlo' je. 'IHqu'. 'elDI' mI'wI'pu' monqu'.
jech le'qu' vItuQ. tIv Hoch. jImI'DI' jImonqu' 'ej jIpuvlaw'.
jIHmo' Hem be'wI' le'. wej bangwI' moj be'vam. vIvuvqu'. wej
muwuq. vIvuvmo' vIloS. chaq reH vIloStaH. chaq tugh mej. Qu'
nej. Sumchugh yaH chu' Sambogh vaj ghaytan muchol, 'ach Hopchugh
yaHDaj chu' jIHvo' mej. ghaytan Hopqu' Qu'Daj. DaHjajvaD
jIyInnIS. wa'leS tIqDaj vISovlaHbejbe'.
qaStaHvIS wej jaj jImI'. DaH jIDoy'.
pItlh.