tlhIngan-Hol Archive: Mon Oct 13 11:35:28 1997

Back to archive top level

To this year's listing

• Index by Date
• Index by Thread
• Index by Author

burghwIj vIghonglaw'taH

• From: [email protected] (Alan Anderson)
• Subject: burghwIj vIghonglaw'taH
• Date: Mon, 13 Oct 97 13:07:42 EST

wejHu' choS tagh jaj SeQqu'.  wanI' vIja'ta'.
qaStaHvIS cha'maH loS rep vISopQo' 'e' vIHech.
vaj wejHu' SoSwI' juHDaq 'uQ'a' vISop.
burghwIj vItebchu'.  'uQ vISopta'DI', jISopqa'be'.
qaStaHvIS ram naQ pagh vISop 'ej pagh vItlhutlh.
qaStaHvIS pem naQ pagh vISop 'ej pagh vItlhutlh.
jIqel 'ej jInaD 'ej jItlho' 'ej jItlhob.

pemjep chImchoH burghwIj.
loQ 'oy'.  noghlaw'.  chuSchoHbe'mo' mumer.
jIghung 'e' vISIQchu'.  jajvetlh ram Soj.

cha'Hu' choS rIn jaj SeQqu'.  Sopqa'laH Hoch.
vaj chIrghDaq 'uQ'a' cha'DIch wISop.
burghwIj vItebqa'chu'.

wa'Hu' po' jInoStaH.  
jIghungqu'be'law' 'ach jISop 'e' vImevlaHbe'.

wa'Hu' pov SoSwI' juHDaq chegh qorDu'wIj.
chuvpu' 'uQ'a' wa'DIch Soj.
vaj Soj law' DISopqa'qu'.  bong burghwIj vItebqa'qu'.

DaHjaj jIghungHa'.  Soj vIpoQbej 'ach jISopqangbe'law'.
pujchoH 'IwwIj.  jIwuQchoH.  yuch vInej 'ach pagh vISam.
Heghlaw'pu' burghwIj.  'ughqu'.  chorlIj Dan.

chaq Dargh wIb vItlhutlhqangchoH net poQ.

-- ghunchu'wI'

• Prev by Date: Re: More translation Sentences
• Next by Date: Re: KLBC: Requiem - Recordare/Confutatis/Lacrimosa
• Prev by thread: Re: KLBC:courtroom
• Next by thread: Re: burghwIj vIghonglaw'taH
• Index(es):
  • Date
  • Thread
  • Author

Back to archive top level