tlhIngan-Hol Archive: Tue Oct 07 13:24:43 1997
[Date Prev][Date Next][Thread Prev][Thread Next]
choH yabwIj
- From: "Andeen, Eric" <[email protected]>
- Subject: choH yabwIj
- Date: Tue, 07 Oct 1997 13:26 -0700
cha'maHHu' choH yabwIj, 'ej jIbel. qaSpa' jajvetlh, reH tlhIngan Hol
vIlaDtaHvIS, mIwvam vIlo': mu'tlhegh vIlaD. jIlaD 'e' vImev. mu'tlhegh
vImugh. jIlaDqa'. cha'maHHu' jIja''egh: "yImughQo'. yIlaDchu' neH." vaj
jatmey cha' vISuq 'ej SuStel lut vIlaD. vImughbe' 'ej vImughnISbe'.
vIyajchu'. pov lut. majQa', SuStel!
rut jIlaDtaHvIS, jIyajchu'be' 'ej mu'tlhegh tIq vImughnIS. rut mu'ghom
vIlo'nIS, 'ach ghurtaH mu'tay'wIj, vaj pIj vIlo'nISbe'. jabbI'IDvam
vIqontaHvIS, mu'ghomwIj vIlo'be' ('ej vIghajbe').
- Quchbogh pagh