tlhIngan-Hol Archive: Sun Nov 30 10:12:54 1997
[Date Prev][Date Next][Thread Prev][Thread Next]
<Petersburg> che'ron
- From: "Deborah Kay" <[email protected]>
- Subject: <Petersburg> che'ron
- Date: Sun, 30 Nov 1997 13:14:39 -0500
<Petersburg> che'ron boSuchchugh, yaHwI'pu' lut boghoj.
qaStaHvIS <Civil> noH, malja' botlh potlhqu' 'oH , <Petersburg>'e'.
<Petersburg> Suypu'mo', <Richmond>Daq luch Soj je luHIjlu'. <Richmond>
jonmeH <Grant> mangghom, jeghnIS <Petersburg> ghotpu'. <Petersburg> veng
HIv mangghomDaj 'e' wuq <Grant>. HIvDI' <Union>, veng Hub quppu' loDpu' Qup
je neH. 'ach 'eb jonbe' <Grant> mangghom 'ej qaStaHvIS wa'maH jar, may'
SIQtaH <Petersburg> rewbe'pu'. Sumqu'mo' may'tlhegh, bo'DIj tlhaq Qoy
<Union> negh.
<Petersburg> veng <Lee> mangghom je Dech <Grant> mangghom. luch Soj je
luHIjlu'be'. rewbe' ghungmoH <Union>. jar law' loSnIS <Union> mangghom.
loStaHvIS, ngabchoH Sajmey. loS 'op loDpu' luneHbe'. nab lu'ogh.
<Confederate> raQ bIngDaq 'och chenmoHlu' tlhIlwI'pu' 'ej 'ochDaq jorwI'
lulan tlhIlwI'pu'. pay' Qomqu' yav. muDDaq cha'vatlh javmaH 'uj pum DesDu'
'uSDu' DI je. Qaw'chu' raQ. wanI'vam pIHbe'mo' <Union> negh, ghIjmoH
ghu'vam. taDchoH 'ej SuvlaHbe'. nabchaj lulIj. Qugh moj vay na'.
bechtaH rewbe'pu'. qaStaHvIS jarmey bIr, ghom jIlpu'. pagh Soj jablu'.
Sor Hap luboSbe'mo', qulmey luchenmoHlu'. tujchoHmeH juppu', mI'.
lo'laHbe' Huch. wa' tIr ngaSwI' dIlnISmeH vay', wa'SaD vaghvatlh DarSeq
lulo'nISlu'.
chol jajmey Qav 'e' Sov <Lee>. <Union> raQ HIvlu'. 'ach <Union> mangghom
HoS law', <Confederate> mangghom HoS puS. HeDnIS <Lee> mangghom 'ej jegh
veng. jaj veb jegh <Richmond>. pagh nuHmey lubachlu'. wa' Hogh
<Appomattox>Daq jegh <Lee>.
ToDuj le' lu'ang <Petersburg> ghotpu'. vengchaj luHub. rojmab
qI'lu'pu'DI', veng chenqa'moH rewbe'pu'. may' DaqmeyDaq ratlh neH lam
HuDHommey, 'ach che'ronmo', yaHwI'pu' luqawlu'taH. ta'meychaj lulIjlu'be'.
SanDar