tlhIngan-Hol Archive: Thu Nov 27 11:59:31 1997
[Date Prev][Date Next][Thread Prev][Thread Next]
Re: jIDumnIS
- From: Qov <[email protected]>
- Subject: Re: jIDumnIS
- Date: Thu, 27 Nov 1997 11:59:25 -0800
At 05:34 97-11-27 -0800, peHruS wrote:
}In a message dated 97-11-24 16:44:03 EST, ghunchu'wI' writes:
}
}<< cha'Hu' be'nI' puqbe' qoS malop.
} wa' ben boghpu' ghaH.
} juHDaj Such jup law'.
} puqloDwI' jupna' ghaH wa' SuchwI''e'.
} juHmajDaq Qong jupvam 'e' luwuq.
} vaj rInDI' lop, wa'maH Hut vatlh rep juHmajDaq nutlhej.
}
} qaStaHvIS rep law' Qongbe' chaH.
} De'wI' Quj law' Quj. QujtaHvIS, jabbI'IDmey vIlaD 'ej vIqon.
} cha'maH cha' vatlh rep mev 'ej QongrupchoH.
} jIQongrupchoH je, 'ach chuStaH chaH.
} cha'maH wej vatlh rep DIra'qa': peQong!
} HeQ chaH 'ej tamchoH. chaH vIbuSHa'laH 'ej jIQonglaH.
}
} roD "Sunday" po jIQongtaH, 'ach pIm jajvam.
} lalDan DuSaQDaq jaHnIS puqpu', 'ej chaHvaD nIQ vIvutmeH jIvemnIS.
} *chabHab
} Qu' le' ta'nISmo' be'nalwI', DuSaQDaq puqpu' vIlupnIS je.
} vaj loS QongwI' rep vIchIlpu'. yapbe'pu' leSwIj.
}
} DaHjaj pov jIQong vIneH, 'ach jaS jInab.
} 'IH muD Dotlh 'ej yotlhwIj luDantaH raghbeHbogh pormey.
} bIH vIbI'chu'!
}
} Qu'vam vIta'DI' jIDumbej.
} >>
qaStaHvIS Hoghvam pab qelbe'taHmo' ghunchu'wI' loQ maybe' ghu'vam.
Hub'eghlaHbe'. vaj jIjang.
}bIDumnIS qoj jIDumnIS
}teH
}mu'tlhegh {cha'Hu' be'nI' puqbe' qoS malop.} DaghItlh
}mu' {wIlop} Datam 'e' vIchup
QaghHom Datu'ta'. {qoSmo'} {wIlop} joq ghItlhnISba'.
}mu'tlheghmey {puqloDwI' jupna' ghaH wa' SuchwI''e'.
} juHmajDaq Qong jupvam 'e' luwuq.} DaghItlh
}wa' SuchwI' ghaHmo' qatlh mu' {luwuq} DaghItlh?
}'Iv chaH wuqwI'pu''e'?
luwuqlaw' puqpu' law'. chaq luwuq puqloD jupna' je. wISovchu'be'.
}toH. ghotpu' law' 'oS je mu' {nutlhej}. 'Iv chaH? puqloDlI' jupna' QorDu'
}chaH'a'?
teHbe'. ghunchu'wI' be'nalDaj puqloDchaj je tlhejlaw' wa' puq.
nutlhej wa' puq. qar mu'tlhegh.
Qov [email protected]
Beginners' Grammarian