tlhIngan-Hol Archive: Mon Nov 24 19:41:41 1997
[Date Prev][Date Next][Thread Prev][Thread Next]
tugh jIjaH
- From: "William H. Martin" <[email protected]>
- Subject: tugh jIjaH
- Date: Mon, 24 Nov 1997 22:43:52 -0500 (Eastern Standard Time)
- Priority: NORMAL
cha'leS bangwI' juH vIghoS. Dujmey law' vIjunnISbe'meH DungluQ
jIghIQchoH 'ej pawpa' bangwI' jIpaw. chaq jIloStaHvIS QoQ vIQoy.
Qe'Daq 'uQ maSop 'ej juHDajDaq maQong.
wejleS qorDu'Daj matlhejmeH latlh veng wIghoS. pa' maSopqu' 'ej
malop. loSleS pa' maratlh.
vaghleS latlh veng lughoS bangwI', SoSDaj, vavDaj, jIH je. ram
juHDaq ratlhtaHvIS SoSDaj vavDaj je, mamI'. mamI'qa'pa' qaSnIS
cha' jarmey. chaq Qav 'eb. chaq not mamI'qa'.
javleS maratlh.
SochleS ropyaH'a' wIghoS. chaq qaStaHvIS Soch rep bangwI'
luHaqlI' wej Qel. Haq wa' Qel. ropDaj yajmeH nIm Daq teqlu'pu'
HaD latlh. nIm Daqqoq chu' chenmoH latlh. loSlI' qorDu'Daj.
vItlhej.
loS jaj veb jIQaHmeH 'ej jIloSmeH jIratlh. qaStaHvIS loS jajvam
pIvchoHchugh juH ru' lughoS 'ej vItlhej 'ej jIQaH. qaSpa' jaj
vaghDIch jImejnIS. Such latlh 'ej maqIHbe'nISlaw'. bangwI'
vIvoqnIS.
jajvam vaghDIch latlh juH vIDabchoH. qaStaHvIS Hut jaj HochwIj
vIvIHnISmoH. juHvamvo' Hoch vIteqnIS. juH vebDaq Hoch vIlannIS.
qaStaHvIS poHvam chaq jabbI'IDvam vIlaDlaHbe'. SanuQbe'.
Suja'chuqlaH 'ej SanISbe'. peQuch.
pItlh.