tlhIngan-Hol Archive: Thu Nov 20 17:24:28 1997
[Date Prev][Date Next][Thread Prev][Thread Next]
tlhIngan lalDan qechmeywIj
- From: Terrence Donnelly <[email protected]>
- Subject: tlhIngan lalDan qechmeywIj
- Date: Thu, 20 Nov 1997 19:18:48 -0600
"nuq 'oH tlhIngan lalDan'e'" cha'Hu' jIHvaD tlhob jupwI'.
ghojmoHwI' ghaH 'ej DuSaQDaq veS luqeltaH jupwI' ghojwI'Daj je.
Daj tlhIngan qechmey 'e' Har ghaH.
vaj jangmeH, qechmeyvam vIqon:
'ay' wa': qa'nuvpu' (= the gods)
ben law'qu' QI'tu' luDab qa'nuvpu'.
'u' luchenmoH qa'nuv.
Qo'noS luchenmoH.
tlhIngan Segh luchenmoH.
HoSghaj tlhIngan tIq luchenmoHta'bogh.
HoSqu'mo' tlhIngan tIq 'ej tujqu'mo',
QI'tu' lumeQchu' tIqvetlh 'ej Hoch qa'nuvpu' HoH.
DaH chIm QI'tu'.
SKI: A friend asked for a description of Klingon religion, and I wrote this
for him. Part 1: the gods created the Klingons, but the Klingon heart was
so strong that it burned up Heaven and killed the gods (or so Sirella said in
last week's DS9, at the wedding).
'ay' cha': Heghpu'DI' tlhIngan, nuq qaS
HeghDI' tlhIngan, raghba' porghDaj.
'ach HoSqu'mo' tlhIngan tIq, HeghlaHbe'bej tlhIngan qa'.
batlh Heghpu'DI' SuvwI'na', *Stovoqor*Daq jaH qa'Daj.
batlhHa' Heghpu'DI' vay', ghaH lulegh luneHbe' HeghwI'pu' quv
'ej ghe'torDaq lungeH (rut DaqvamvaD ghe''or lupong 'op lalDan tlhach).
batlh may'Daq HeghDI' SuvwI', yo' qIj muv.
yo' qIj ra'taH qeylIS 'e' luHar 'op tlhach.
SKI: After death, the honored warriors go to Stovoqor, the dishonored
to Grethor. Those who die in battle join the Black Fleet.
'ay' wej: 'Iv ghaH qeylIS'e'
tlhIngan wo' voDleH wa'DIch ghaH qeylIS'e'.
SuvwI'na' pup ghaH.
SuvwI'na' Damoj DaneHchugh, vaj qeylIS ta'mey DaHaDnIS
'ej qeylIS DaDa 'e' DanIDnIS.
Heghpa' qeylIS, chegh 'e' lay' ghaH.
"HovvetlhDaq HInej" ra' ghaH.
vaj *boreth*Daq maloS.
cheghta'DI' qeylIS, wo'maj ra'qa' ghaH.
SKI: Kahless, first emperor of the Klingons, is the perfect example of
the warrior. He has promised to return to us.
'ay' loS: qatlh qeylIS wIghom wIneH 'ej chay'
nughojmoHmeH qeylIS qa' 'ej nutungHa'meH, ghaH wIghom wIneH.
mIw'e' wIlo'bogh 'oH tova'Daq'e'.
roD may' yotlhDaq qaS tova'Daq, 'ach latlh poH qaSlaH je.
qeylIS wIghomDI', tIqDu'majvaD jatlh tIqDaj.
mu'mey lulo'nISlu'be'.
jaS Har 'op tlhach.
reH Hoch tlhIngan tIq DabtaH SuvwI'na' qa' 'e' luHar.
motlh qa'vam So'lu'.
"qeylIS qa'" per 'oH SuvwI' qa' Delbogh Degh'e'.
"qeylIS vIghom" majatlh, 'ach maqarmeH,
"tIqDu'wIjDaq SuvwI' qa' vISam" majatlhnIS 'e' luHar.
SKI: We wish to meet Kahless for inspiration and guidance. Some believe
that we really get in touch with our "inner warrior"
'ay' vagh: nuq 'oH yInmaj ngoQ'e'
batlh 'oHba' yInmaj ngoQ'e'.
ngoQvam chavmeH, tlhIngan tIgh tay je wIlo'.
maHvaD ghob'e' wIpabnISbogh ghojmoH tIgh.
qatlh taymey wIlop.
maHvaD jatlhmeH qa', manajtaHvIS jatlh 'oH.
qa'majvaD majatlhmeH, taymey wIlo'.
taymey wIloptaHvIS, HoSghajqu'choH qa'maj
'ej batlh mavanglaH.
batlh mavangchugh, vaj batlh wIchavbej.
batlh wIchavchugh, vaj batlh maHegh.
pItlh
SKI: The goal of life is to achieve honor. The customs and rituals of the
Klingons help us to do so.
(One of the things I tried to do here was imagine a non-theistic religion. So
I tried to find "naturalistic" reasons for everything we might otherwise
attribute to divine action, eg. Klingons live after death not because some
god calls them to Heaven, but because they're too tough to really die, the
dishonored dead aren't sent to Grethor by a god's judgement, but because
those already dead want nothing to do with them, etc.)
-- ter'eS