tlhIngan-Hol Archive: Fri Nov 14 11:48:01 1997
[Date Prev][Date Next][Thread Prev][Thread Next]
'ejDo' QaS
- From: "Andeen, Eric" <[email protected]>
- Subject: 'ejDo' QaS
- Date: Fri, 14 Nov 1997 12:56:48 -0700
cha'Hu', much *Starship Troopers* vIbej. loQ much vItIv, 'ach
muDuQbe'bej. pIj Dogh lut DawI'mey je. chentaHvIS muchvam, muchwI' ra'
*Paul Verhoeven*. *Showgirls* muchwI' ra' je ghotvam. jIQIjnIStaHbe'.
vaghben paq *Starship Troopers* vIlaD, 'ej muDuQ. veS Delchu'. negh
'Itlh yIn Delchu'. Suvchu' Humanpu', 'ej SuvtaHvIS, val. HIp HoSghaj tuQ
negh. mang Hub HIp. luch law' nuH law'qu' je qenglaH HIpvam tuQbogh
mang'e'. HIp chIm 'ugh law', vagh mang 'ugh puS. HIpDajmo', jagh law'qu'
qach law' je Qaw'laH wa' mang po'. Dojqu' neghvam.
muchDaq, HIp tun tuQ negh. negh HublaHbe'ba' HIp. nuH puS neH qenglaH
negh. Doghqu' ghu'vam: ghew law' law' Human law' puS. QapmeH, ghew
law'qu' HoHnISlaH wa' Human mang. vaj HoSghajbogh nuH law' lo'nIS Human
mang, 'ej Hub'eghnISlaH.
jor ghew law' 'e' Dalegh DaneHchugh, much yIbej. 'ach bIQub DaneHchugh,
paq yIlaD.
SKI: The book Starship Troopers is great science fiction. The movie is a
mildly entertaining action flick, and a big disappointment.
pagh