tlhIngan-Hol Archive: Sat May 17 07:49:26 1997
[Date Prev][Date Next][Thread Prev][Thread Next]
RE: jajwIj
- From: "David Trimboli" <[email protected]>
- Subject: RE: jajwIj
- Date: Fri, 16 May 97 22:21:02 UT
jatlh ~mark:
> I think the correction was to use "puqloDwI'" instead of just "puqloD." I
> don't think it's that necessary; who else's son would you be talking about?
> English is very big on obligatory marking of possession in cases like this
> ("take your hands out of your pockets") where it really isn't vital, and
> many languages do without (French, I think, would say "take the hands out
> of the pockets"). Insisting on it because English does doesn't accomplish
> much.
"The Dispossessed" qonbogh *Ursula LeGuin" vIlaDtaH. bavchuqtaHbogh cha' yuQ
tu'lu'. wa'vaD *Anarres* ponglu'. latlhvaD *Urras* ponglu'. *Anarres*Daq
chutmey tu'lu'be'. qumtaH pagh. che'taH pagh. not Huch lo'lu'. loHpu'
tu'lu', 'ach Sapta'. nughvam Dellu'meH "anarchist" jatlhlu'. not ghob 'ach
not Sach.
*Urras*Daq che'taH qum tIn. verenganpu' DataH mIghwI'pu'. Do'Ha' nughmaj rur
nughchaj. 'IH mIpbogh yoSmey 'ej 'Itlh QeDchaj, 'ach reH ghob.
*Urras* SuchtaH *Anarres* tej. *Urras* Hol ghojpu'. ('oHvaD *Iotic*
ponglu'.) jatlhDI' *Urras*ngan <juHwIj>, jatlh *Anarres*ngan <juH>. jatlhDI'
*Urras*ngan <pa'wIj>, jatlh *Anarres*ngan <pa'>. *Urras*nganpu'vaD
jatlhtaHvIS tej, pIm pIj 'e' lIj, 'ej Qagh. <pa' vIje'pu'be' vaj pa'wIj
'oHbe'> jatlh.
'ach <ghopwIj>, <nachwIj>, <mInwIj> jatlh. ghop je'be'lu'. porgh je'be'lu'.
(heh . . . nuj je'lu' . . . Huch 'ar?)
--
SuStel
Beginners' Grammarian
Stardate 97374.2