tlhIngan-Hol Archive: Thu May 15 19:57:43 1997
[Date Prev][Date Next][Thread Prev][Thread Next]
jIqeqnIS
- From: "Andeen, Eric" <[email protected]>
- Subject: jIqeqnIS
- Date: Thu, 15 May 1997 8:01pm
qaStaHvIS cha' DIS jabbI'IDghomvamvaD vIjeS, 'ach pIjHa' ghomvaD
vIghItlh. tugh qep'a' loSDIchDaq tlhIngan Hol jatlhwI'pu' law' vIqIH, vaj
jIqeqnIS. jabbI'IDghomvamvaD yaHwIjDaq ghu' vIDel. Hochvo' vuDmey
vIneHmo', KLBC vIlo'be'.
jIghuntaH 'ej pIj jIghunchu'taH ('ach ghunchu'wI' jIHbe'bej ;-}).
malja'DIvI'HomvaD jIvum, 'ej De'wI' ra'bogh patmey'e' DIchenmoH. jo'
vummoH De'wI''e' ra'bogh patvammey. HIq, Hergh, latlh Doch lI' je
chenmoHlu'meH patmeymaj lo'lu'. patmaj potlhqu'vaD <OpenBatch> ponglu'.
<OpenBatch> vIqelDI', pat pat'e' ghap vIghItlh.
loSben "OpenBatch" wa' DoD pagh chenchoHmoH malja'DIvI'vam (jIvumpa'),
'ej wejben rIntaH. 'ach not rIntaH De'wI' ra'bogh pat'e'. rInDI' pat'e',
cho'wI' wIchenchoHmoHnIS.
cha'maHHu' <<OpenBatch> wej DoD pagh> vIrInmoH, vaj cho'wI'
wIchenchoHmoH, 'ach chay' wIpong 'e' wISovbe'. wIchenchoHmoHDI', 'oHvaD
<<OpenBatch> wej DoD wa'> wIpong, 'ach "FDA" chutmey Doghqu'mo', Hergh
malja'DIvI'vaD yapbe' pongvam. vaj <<OpenBatch> wej DoD pagh, patHom
wItI'bogh wa'> wIpong 'e' wIwuq.
'ach QaghHommeymajmo', wa'maHjavHu' pat'e' wItI'nIS, 'ej <<OpenBatch> wej
DoD pagh, patHom wItI'bogh wa'> wIchenmoH. chaq tugh latlh De'wI'
malja'DIvI' Qaghmeymo', <<OpenBatch> wej DoD pagh, patHom wItI'bogh cha'>
wIchenmoHnIS. meqmeymo', pat chu'vaD <patHom wItI'bogh wInabbogh wa'>
wIpong 'e' wIwuqlaw', 'ach jatlh ghotpu' law': <Doghqu' ghu'vam. pongvam
QIp law' Hoch QIp puS. pong nI'qu' wI'ogh>.
majegh. DaH pat chu'vaD "Groucho" wIpong. (cho'wI'DajvaD "Harpo"
wIponglaw'). rInDI' pat chu', 'oHvaD pong QIp wIponglaw', 'ach DaH
wIQumchuqchu'.
wa'leS jabbI'IDghomvamvaD puvbogh SajwI' (HIja', -wI') vIDel.
SKI: pagh describes the sillyness of software revision numbers.
pagh