tlhIngan-Hol Archive: Sat May 10 10:04:31 1997
[Date Prev][Date Next][Thread Prev][Thread Next]
Re: qepHomqoqwIj
- From: "Daisy Mae" <[email protected]>
- Subject: Re: qepHomqoqwIj
- Date: Sat, 10 May 1997 12:48:00 -0400
jang DaQtIq
> jIHvaD ghunchu'wI'vaD je jang SuSvaj:
>
> >> ghItlh ghunchu'wI':
> >> >jIQuchbe'. jImogh.
> >>
> >> jImogh je. wa'maH wa'leS qaS qepHomwIj 'ej jImob DaH 'e' vIpIH.
> >
> >ghunchu'wI', DaQtIq je, peQuchchoH!
>
> ghora'Qo'! jImoghchugh jIQuch vIneHbe'. jImoghchugh jImoghqu' vIneH.
qara' vIneHbe'!! 'ej qamaw 'e' vInIDbe'!!!! qatungHa' 'e' vInID neH!
> >Qatlhqu' Qu'vam. tlhIngan Hol
> >vInummeH ('ej juppu' chu' vIqIHmeH) cha' ben tlhIngan Hol yej'anHom
> >vIchenmoHta'. DaHjaj jav beq ghaj yej'anHomwIj.
>
> majQa'! bIDo''eghmoH.
jIDo'qu' 'e' vIHarbe'. qaStaHvIS jarmey law' pIpyuSmey law' vIghor.
>
> >qaStaHvIS cha' DIS, jav
> >neH tlhIngan Hol jatlhwI'na' vIqIH. pagh jatlhwI'pu' vISovchugh, 'ej
> >qaStaHvIS jarmey puS qepHom vIchenmoH 'e' vInIDchugh, jIlujbej.
yoSlIjDaq
> >yInchugh tlhIngan Hol yejHaD beqpu' law' vaj Qap qepHom.
>
> Hopqu'be'bogh jatlhwI' puS tu'lu' 'ach lenglaHbe' qoj lengqangbe'.
>
> >'ach teHbe'chugh
> >ngoDvam vaj DuHbe' 'e' vIHar. SutuvnIS. tlhIngan Hol bonum boneHchugh,
> >DIvI'HommeylIj tIchenmoH. vaj, QIt nuvpu' chu' bomuvmoH.
>
> chay' latlhpu' DamuvmoH? chay' yej'anlIj lutu'?
De'navmey law' vIchenmoHta'. paq SuyqachmeyDaq, QeD lut SuyqachmeyDaq,
"Hobbie Shop"meyDaq, "Comic Book" SuyqachmeyDaq je' De'navmeywIj vIlan.
qechwIj parHa' Suypu' law', 'ej muQaH 'e'neHlaw' chaH. paq SuyqachmeyDaq
*Marc Okrand* paqmey, Hov leng paqmey, Hov leng paqHommey je vISam, 'ej
bIHDaq De'navmeywIj vIlan. jangDI' nuvpu' law' vImerlu', 'ach jIQuchbej.
DaH "Web site" wIchenmoHtaH, 'ach cha'rupbe'.
SuSvaj