tlhIngan-Hol Archive: Tue May 06 07:26:49 1997
[Date Prev][Date Next][Thread Prev][Thread Next]
qepHomqoqwIj
- From: [email protected] (Alan Anderson)
- Subject: qepHomqoqwIj
- Date: Tue, 6 May 97 08:54:42 EST
jIQuchbe'. jImogh.
yaHwIjDaq qepHom De' vIghomHa'.
Suypu' lojmItmey retlhDaq De' vIlan.
vengwIj De'navDaq wanI' vImaq.
tlhIngan ngotlhwI' ghom vIQoymoH.
<'ejyo'> ghom ghogh qonwI'vaD jIjatlh.
qaSbeH qepHomwIj 'e' Sov tlhIngan Hol yejHaD jeSwI'pu' law'.
De' leghlu'bej.
muja' be'nI'wI' loDnal <Davaqlu'lI'. bIDogh 'e' luHar jupwI'.>
muja' be'nalwI' <DaHjaj De'navDaq ponglIj legh cha' nuv vIghombogh.>
murI' pagh.
muSuch pagh.
jabbI'ID lab wa' nuv 'ach jeS neHbe'. ben tlhIngan raQ qawlaw'.
jIlujpu'.
vengwIjDaq tlhIngan Hol jatlh wa' nuv neH.
chaq wa' nem jInIDqa'.
'ach chay' ghojqangwI'pu' vISam?
vengmey SumDaq je wanI' vImaqnIS.
-- ghunchu'wI'