tlhIngan-Hol Archive: Thu May 01 07:54:10 1997
[Date Prev][Date Next][Thread Prev][Thread Next]
Re: SopDaq
maqta' peHruS:
> I want to watch tlhIngan Hol grow just as all Klingons strive for the
> expansion of our glorious Empire!
vaj jIbepta':
> va, bIbej neH DaneHlaw'.
muqaD peHruS:
> yIqIm Qunchuy jIbej neH vIneHlaw' Dajatlh bInep 'e' yImev
pupHa'bej pablIj 'ej mISlaw' qechlIj. jIqel'eghbe'. SoH qaqel.
qaja'be' jIbej neH vIneHlaw'. qaja'pu' bIbej neH DaneHlaw'.
'ach tlhIngan Hol Dalo'qangchoH qanaDnIS.
mu'meylIj vIcha'qa': "I want to watch tlhIngan Hol grow..."
mu'tlheghvam latlh je DaghItlhtaHvIS tlhIngan Hol Dalo'be'taH.
Dalo'qangbe'law'pu'. Dabejqanglaw'pu' neH.
>pIj mu' lo'mey vIchupta' 'ej jIchuptaH
>jIvangbej 'e' tob wanI'vam
jIQochqu'.
mu' lo'Hey DachupnISbe' SoH. lo'chaj DIleghlaH.
Hol DaghurmoHtaH 'e' DanID'a'? DachoHmoHtaH neH 'e' DanIDlaw'.
qatlh reH mu'qoq <SopDaq> DachupnIS puptaHvIS <SopmeH Daq>?
'utbe' pabqoq Dachelqanglaw'bogh. lughbejbe'. mISmoH neH.
batlh bIchuplaHchu'pa' bIyajnISchu'.
bIchupDI' rut taQlaw' qech. bIyu'DI' rut lI'be'.
bItlhob mavjop HeHDaq QamlaH HoSDo' 'ar? wej maSov janglu' rIntaH.
>qoH SoH 'ej qoH vuvbe' SuS
majQa'! pe'vIl mu'qaD Dabachbej. 'ach jIHaghnIS. jIDogh'a' jIH?
tlhIngan Hol pab vIchoHmoH 'e' vInIDmeH DIvI' Hol vIlo'taHbe' jIH.
>SuStelvaD jabbI''ID DalaD 'ej bIjang 'e' DatIvpu''a'
SuStelvaD vIlaDbe'. SuStelvaD laDlaH SuStel.
vIlaD HochvaD Dalabpu'mo'. qajang 'e' vItIvbej.
Sovbe'wI' vIghojmoH reH 'e' vItIv. reH jIqaDqang.
qech Dogh vIQaw' reH 'e' vItIv. reH jIghobqang.
jatlhta' Qunchuy