tlhIngan-Hol Archive: Tue Mar 18 09:09:36 1997
[Date Prev][Date Next][Thread Prev][Thread Next]
Re: nongqu' Dax
ghItlh SuSvaj:
>bIlughbej. Human qechmey law' Har wo'rIv, vaj luyajlaHbe' tlhInganpu'
>law'. 'ach Humanpu' chaHmo' SoSqoqDaj, vavqoqDaj je, pIch ghajbe' wo'rIv
>'e' vIHar. 'ej tlhIngan tIgh pab je. qaStaHvIS puq yInDaj, 'ej loD
>mojtaHvIS DIvI'Daq ghaHmo', wo'rIvvaD potlhqu' tlhIngan tIgh. 'ej SuvwI'
>po' ghaHbej. *Dominion* bIghHa'Daq ghaHDI' *jem HaDar* law' Suv wo'rIv,
>'ej *jem HaDar* law' jey ghaH. ghaH jeychoHDI' wa' *jem HaDar*,
>jeghqangbe' wo'rIv. tIqDajDaq SaH qelISqa'.
jIQochlaHbe'. wo'rIv tIqDaq SaHlaw' qeylIS qa'. (yIyep! pong potlh
DaghItlhHa'.) SuvtaHvIS po'bej. potlhqu' tlhIngan tIgh 'e' Harlaw'
'ach wo'rIv tIgh qalmoH Human tIgh.
- DaQtIq