tlhIngan-Hol Archive: Fri Mar 14 10:35:14 1997
[Date Prev][Date Next][Thread Prev][Thread Next]
Re: jemHaDar So'wI' (was KLBC: qep'a' loSDIch)
ghItlh SuSvaj:
>DaHjaj *DS9* vIbejtaHvIS, vay' vI'tu'.
<vItu'> DaghItlhHa'.
>nuv So'wI'mey ghaj jemHaDarpu' 'e'
>wISov. qaStaHvIS *DS9* jabbI'ID vIbejlI'bogh, wo'rIv HIvpa' jemHaDar
>SuvwI', So'Ha' ghaH.
wej *DS9* jabbI'IDvam vIbej. wa' jemHaDar SuvwI'vaD neH So'wI' lughaj'a'?
teHchugh Doj 'ej Qob.
>jemHadar leghDI' wo'rIv, ghaH bach wo'rIv. qatlh
>So'Ha' jem HaDarvam? So'taHvIS HIvchugh jem HaDar, vaj wo'rIvvaD pagh DoS
>tu'lu'. HIvmeH narghnIS'a' jemHaDar?
qarlaw'. So'taHvIS HIvchugh jemHaDar vaj lujlaHbe'. 'ej *DS9* luchenmoHmo'
Humanpu', Qap jemHaDar net chaw'Qo'.
>HoS law' lo'mo' So'wI', So'taHvIS
>HIvlaHbe'bej veSDuj. vaj chaq veSDuj So'wI' rur nuv So'wI' 'ej So'taHvIS
>jem HaDar, Qapbe' pu'HIchDaj. 'ach HIvmeH, 'etlh, taj, ro'Du'Daj joq
>lo'laH ghaH. chaq batlhmo' reH HIvpa' jemHaDarpu', nargh chaH. jISovbe'.
batlh yIn'a' jemHaDar SuvwI'pu'? SuvwI'na' chaH 'ach Soj luSopQo'.
HIq lutlhutlhQo'. be'pu' ngaghQo'. batlh Suvlaw' 'ej batlh yInlaw' 'a
yInqu''a'?
- DaQtIq