tlhIngan-Hol Archive: Sun Jun 08 06:02:07 1997
[Date Prev][Date Next][Thread Prev][Thread Next]
Re: bIQ HoS
- From: "William H. Martin" <[email protected]>
- Subject: Re: bIQ HoS
- Date: Sun, 8 Jun 1997 09:02:10 -0400 ()
- Priority: NORMAL
On Fri, 30 May 1997 11:02:44 -0700 (PDT) Robyn Stewart
<[email protected]> wrote:
> bIQ HoS
> ======
>
> let nagh. HoSghaj nagh. HeDbe'. nagh vo'DI' SuvwI', latlh nach
> ghormoHlaH. nagh let law' tlhIngan Hom let puS. let nagh.
vItoSmeH nagh vItIvqu'. tlham vISuvmeH muQaH nagh.
> pujlaw' bIQ. reH Haw'. wutlhDaq So''egh. bIQ luvo' puqpu',
> HaghtaHvIS. tlhIngan 'Iw jeD law' bIQ jeD puS. HoSghajHa''a' bIQ?
nagh vItoSDI' jI'ojchoH. muHoSmoH bIQ. 'ej nagh vItoSpu'DI'
jIHe'So'choH. jIHe'So'mo' mulargh jaghwI'pu'.. muSay'moHlaH bIQ
'ej jIHe'So' 'e' vImev 'ej mularghlaHpa' jaghwI'pu', jaghwI'pu'
vIlarghlaH. bIQ vIparHa'.
> ghobe'. ghomDI' nagh bIQ je, Daj ghu'. let nagh 'ach tuvqu' bIQ.
> ba'taHvIS nagh, vangtaH bIQ. nagh QarghHom teb bIQ. taDDI' Sach.
> Qargh poSmoH chuch 'ej nagh ghorchoHmoH. QIt nagh let QopmoH bIQ.
> Halmey law' ngaS nagh. motlh let 'ach rut tun. nagh tlhIlmey tun
> ngoSlaH bIQ. rut wutlhDaq DIS chenmoH.
tlham He ma' bIQ. tlham He bot nagh 'e' nID nagh. qaStaHvIS poH
vuSlu'bogh nagh ratlh, 'ach reH Qap tlham. rut bIQ buSHa' nagh
'ach rut nagh qeng bIQ 'ej rut nagh ngoS bIQ. reH bIQ ra'chu'
tlham. rut tlham Suv nagh, 'ach reH Qap tlham. tlham SuvwI' 'oH
bIQ'e' 'ej QapDI' tlham, Qap bIQ je.
> DISDaq pum tlhIl qengbogh bIQ'e'. pum. pum. pum. pumDI' qoj SaqDI'
> ratlh pugh. vI'taH pugh. DIS Dungvo' HuSchoH tlhIl tut. DIS
> bIngvo' QamchoH tlhIl tut. rut rarchuq 'ej DISDaq Qam tut Doj.
> ravDaq nech bIQ. tlhIlmey vI'moH. nagh chu' moj tlhIl tlhoQ.
vay' qenglaH vIHbogh bIQ. vIH 'e' mevDI' Hoch chagh.
> vaj HoSghajbej bIQ. nagh ghormoHlaH 'ej nagh chenmoHlaH je.
HIja'! 'ej naghvo' bIQDaq jISup 'e' vItIvqu'.
> - Qov
...
> ghuy'cha'! juHchajDaq Dochmey 'utbe' lanbe' SuvwI'!
juHwIj Daleghpu'be'ba'.
charghwI'