tlhIngan-Hol Archive: Mon Jun 02 10:46:34 1997

Back to archive top level

To this year's listing

• Index by Date
• Index by Thread
• Index by Author

Ser (lut 'ay' wa': Hol)

• From: "Robyn Stewart" <[email protected]>
• Subject: Ser (lut 'ay' wa': Hol)
• Date: Mon, 2 Jun 1997 10:46:22 PST
• Organization: NLK Consultants, Inc.
• Priority: normal

         Ser 
lut 'ay' wa': Hol
===========
taghDI' tlhIngan nugh, tlhIngan neH tu'lu'.  Sut tuQbe'.  ghop neH 
lo'.  wej jatlh. yInmeH qor.  chen qorDu' 'ej Qu' ta'meH jIj. QummeH 
chaH chen Hol.

chay' tagh Hol?  Sovbej pagh. ngermey DIqel neH. chaq 'oy'DI' qoj 
QuchDI' qoj ghungDI', bong chuS ghot 'ej mu'meyqoqvetlh lo' latlhpu'. 
chaq Ha'DIbaH DataHvIS puqpu' mu'meyqoq 'ogh. mu'meyqoqvam 
jatlhtaHvIS tlhInganpu', qech tlhejchoH mu'.  QIt Dub Holqoq nap 'ej 
'ItlhchoH tlhIngan Hol. 

'ach pupbe' ngervam.  not 'ItlhchoH Holmey DItu'bogh.  reH Sab.  
ngab moHajmey mojaqmey je. napchoH pab. tera'Daq Hol 'Itlh lo' taymey
lutlh taymey 'Itlh je.  

chaq HoHpa' joH'a'pu'chaj Hol nIH tlhInganpu'. maSovbe'.  

lI'qu' Hol. qorDu' ghuHmoHlaH qoj gheD Daq DellaH qoj Sov Sar 
QIjlaH Hol jatlhlaHbogh tlhIngan. Hol Hutlhbogh qorDu' jeylaHqu' Hol 
ghajbogh qorDu'.  jatlhlaHDI' tlhIngan Serna' chav.
----
SKI: Be it an invention or a gift from the gods, language is a major 
achievement.

-Qov

• Follow-Ups:
  • Re: Ser (lut 'ay' wa': Hol)
    • From: "Mark E. Shoulson" <[email protected]>
  • Re: Ser (lut 'ay' wa': Hol)
    • From: Alan Anderson <[email protected]>

• Prev by Date: Re: Portuguese TKD
• Next by Date: Re: jajlo'
• Prev by thread: KLI Merchant Page
• Next by thread: Re: Ser (lut 'ay' wa': Hol)
• Index(es):
  • Date
  • Thread
  • Author

Back to archive top level