tlhIngan-Hol Archive: Sat Jul 26 21:49:43 1997
[Date Prev][Date Next][Thread Prev][Thread Next]
ghe''or 'elmeH vegh
- From: Guido <[email protected]>
- Subject: ghe''or 'elmeH vegh
- Date: Sun, 27 Jul 1997 00:49:28 -0400 (EDT)
mu' "vegh" ngaSbe'mo' vay' lut, jIvang jIH. 'a Hol vIqeq vIneH je,
vIlo'be'mo' qaStaHvIS poH nI'. chaq ragh laHwIj 'e' vIchaw'Qo'. latlhvaD
qeSwIj 'oH je mu'meyvetlh'e'.
--ghuy'Do--
ben'a' qaS wanI'vam. qaSDI', Qup qo' 'ej tuj 'u'. Suvqu'chuqtaH mIghwI'
quvwI' je.
lalDan wemta' wa' tlhIvwI', 'ej ruv botmeH, ghe''orDaq Haw'chu'. pa'
'elchugh yIntaHvIS, Hegh quvHa' Haw'law'. vaj wa'DIchlogh ghe''or 'el
yInwI', 'e' nab. wutlh ghoSpu'DI' lutlha' bo'DIj'a' yaS ngotlh. 'och luvegh
'ej ghe''or lojmItDaq QamchoH, 'a ngaQ. chay' ruch, tlhobchuq.
"Do'Ha' QI'yaH, Haw'pu' toDSaHHom."
"wI'elchugh, quv wIwemba' je. baQa', wI'elbe' jay'."
"luq, batlh chaw' wIghajbe'."
jaS ruchqang wa' yaS'a' quv, *Qav'orgh* ghaH, 'ej jatlh. "Hu'tegh, Sumuj.
lIHoSghajmoH ruv. chay' HoS boHutlh? not! Qu'raj potlh law', Hoch potlh puS.
ngoy'nIStaH 'e' nupmoHlaH pujwI' neH. vaj chay' Suqel'egh? roghvaH quvDaq
tlhIH HoSghaj law', Hoch HoSghaj puS, qar'a'? nuq 'oHtaH Qu'lIj'e'? ngoDna'
boSovchu'. Qu'vatlh pevangchu' 'ej yIta'! chachvamDaq maQap net tob." vaj
tungHa'bogh mu'vammo' Seyqu' chaH.
pe'vIl lojmIt poSmoHmeH QaSchaj ra'. ghe''or qab moH So'Ha'meH nIDlI'.
HoSchaj yapmoHmeH QaSvaD chelqang. 'och vegh negh law', 'ej raDlI'meH vum,
'a mogh. reH "ruvvaD" 'oH meq'e'. vumqu'pu'DI', Do' pay' lughor 'ej poS
ghe''or. ngeHbejHomvetlh quvHa'Daq bejtaH bo'DIj'a' yaS mIn qu'. pe'vIl maq
*Qav'orgh*. "ghe''or rewbe' quvHa'qu', bo'DIj yaS maHmo' rera'. SIbI'
cheHeQnIS, ruvvaD mavangmo'. Haw'pu'bogh yInwI''e' ghonobHa'! DaH!" lob
veqlargh'a'pu', bong ghe''or yotmoHmo' tlhIvwI' 'ej yoSchaj leghchoHlaH
ngotlhwI'pu'. vaj boq luqIl 'ej ghaH lughIm. lojmIt vegh.
tlhIvwI''e' Do' luqoppu'bogh lubIjmeH San luwuqlI', pung HevmeH vIngtaHvIS
ghaH. jIpDajmo' 'avwI' Qu''e' moj Qu'Daj. nagh tIn lulelDI', "pa' yIyong"
lura'. naghDaq ghaH luyuv, 'ej Dop vegh. ghaH ngaSchoHbogh nagh'e'
lo'taHvIS, lojmIt luwaQ. loQ lojmIt vegh, 'ej ngaQqa'chu'.
ghu' chu' tu'lu' -- waQbogh naghDaq 'oHtaH tlhIvwI' porgh'e', 'avwI'Hey
DataHvIS, 'ej bIrchoH nagh. vaj nom wutlhDaq nuptaH tuj, pay' tlhIlDaq qama'
mojDI' lalDan wemwI''a'.
|~~~~~~~~~~~~~~~~~~~~~~
|~~~~G~~U~~I~~D~~O~~~~~~~
|~~~~~~~~~~~~~~~~~~~~~~
|