tlhIngan-Hol Archive: Wed Jul 23 13:13:39 1997

Back to archive top level

To this year's listing

• Index by Date
• Index by Thread
• Index by Author

SaH pagh SaHbe'

• From: [email protected] (Alan Anderson)
• Subject: SaH pagh SaHbe'
• Date: Wed, 23 Jul 97 14:40:26 EST

Hoch vIqelpu'DI', mubelmoH qep'a' loSDIch.
jup ngo' vIghomta'.  jup chu' vIqIHta'.
wa' nem qaSDI' qep'a' vaghDIch jIjeSqa'bej.
ghojtaH Hoch 'e' vIQaH vIneH.
'ach loQ jI'IQ 'e' vIchIDnIS.
ghaytan DISvam belwIj tIn law' wa' nem belwIj tIn puS.
mataHmeH maSachnIS, 'ej maSachmo' QatlhchoH loHmeH Qu'.
jItoy'rupchu' net Sovbej!  reH taHjaj tlhIngan Hol yejHaD!
'ach rut jIjaw neH vIneH.
yapbe' MUSH.  matay'taHvIS, ghopDu' wIlo'laH! :-)
pay' yInchu'qu' tlhIngan Hol!
jatlhmeH, mu' potlh law' ghop potlh puS.
'ach Qumchu'meH, potlh je porgh Holqoq!

wa' nem jupna' puS vIghomqa'be' 'e' vIpIHmo', jI'IQ.
qep'a' vaghDIchDaq SaHbe' cha' jupwIj 'e' luHechlaw'.
meqmeychaj vIlaj.  pImchu' meqmey net Sov, 'ach bIH vIyaj.
chaq wa' vISuch pagh muSuch ghaH.  Hopqu'chuqbe' juHmaj.
'ach Hopbej latlh.  DachtaHghachDaj vISIQnIS, va.

-- ghunchu'wI'

• Follow-Ups:
  • Re: SaH pagh SaHbe'
    • From: "William H. Martin" <[email protected]>

• Prev by Date: DIvI' Hol vIlo'qa'taH
• Next by Date: RE: vegh
• Prev by thread: DIvI' Hol vIlo'qa'taH
• Next by thread: Re: SaH pagh SaHbe'
• Index(es):
  • Date
  • Thread
  • Author

Back to archive top level