tlhIngan-Hol Archive: Mon Jul 14 19:42:34 1997
[Date Prev][Date Next][Thread Prev][Thread Next]
Re: Saj, 'ay' loSDIch
- From: "David Trimboli" <[email protected]>
- Subject: Re: Saj, 'ay' loSDIch
- Date: Mon, 14 Jul 97 22:03:40 UT
[email protected] on behalf of Deborah Kay wrote:
> peDqu'choH. meQmeH qul, ratlh pagh. chImchu' Soj ngaSwI' Qav. paw rep Qav
> 'e' Sov SoS. DaH DeSDu'DajDaq loDHom 'uchchoH SoS. loQ loDHom tujchoHmoH
> DeSDu'Daj langqu'. monchoH loDHom. tlhup poqloD pujqu', <targh vISaHmo',
> chaq yIntaH.>
> jang SoS, tamtaHvIS, <jIQochbe'. chaq, qaSaHmo', bISIQtaH.>
> <jInID, SoSoy.> wov mInDu'Daj neH.
> vulchoH SoS, 'ach puqloDDaj 'uchtaH. QIt vIH SoS tIq. QongchoH loDHom
targh
> je.
>
> vemDI' loDHom, lojmItDaq ghoghmey Qoy.
> <chuch yIghor!> jach vay'.
> pujqu'mo' loDHom, Hu'laHbe', 'ach HottaH SoS DeSDu' 'ej mon loDHom. loQ tuj
> targh 'ach tlhuHbe'. qaStaHvIS ram, Heghpu' 'e' tlhoj loDHom. pay' lojmIt
> poSmoHlu'. nom pa' 'el loDHom vav, lutlhejtaHvIS juppu'Daj.
> <SoSoy, SoSoy,> tlhup loDHom. <chegh vav. yIlegh. jIjeghbe'.>
> jangbe' be'. be'nalDaj DeSDu' taDvo' loDHom woH vav 'ej 'uchtaH.
> <yItamchoH, puqloD. qaStaHvIS ram, Hegh SoSlI' rIntaH.>
> <bImujba'! mu'uchtaH.>
> <teH.>
> DaH yajchu' loDHom. ngoy'Ha'wI' Dapu'. <vaj pIch vIghajqu'. targh
vIQorgh.
>
> targh vItoD vIneH. jaS jIvangchugh, vaj SIQ SoSoywI'.>
> <chaq. 'ach bIyIntaH neH SoSlI'. ta'Daj Dun DaqawtaHmeH, bISIQnIS.>
> Hatlh taD buS loDHom, Ha'DIbaH 'Iw qempu'bogh vavDaj tlhutlhtaHvIS. QIt
> porghDajDaq chegh yIn, 'ach Heghpu' qa'Daj 'e' tu'. volchaHDaj ba'taHbogh
> QIb
> mIgh rur wIvDaj. 'oH choHmoHbe' loDHom. reH SIQ 'oH.
jI'IQqu'!
jISaQtaHvIS, wa' Qagh neH vItu'.
<volchaHDajDaq ba'taHbogh QIb mIgh} yIjatlh.
--
SuStel
Beginners' Grammarian
Stardate 97535.7