tlhIngan-Hol Archive: Sat Jul 12 11:39:19 1997
[Date Prev][Date Next][Thread Prev][Thread Next]
mavjop lutmey (was RE: Saj 'ay' wejDIch)
- From: "Deborah Kay" <[email protected]>
- Subject: mavjop lutmey (was RE: Saj 'ay' wejDIch)
- Date: Sat, 12 Jul 97 18:42:25 UT
ja' Qov:
va. naSbej Deborah. targhvetlhvaD ngotlhchu' loDHom. matlhbe'. QIp
neH. chay' rIn lut? jIloy vIneH.
qechmeylIj vItIv. 'ach reH jInaSbe'. bIng yIlegh. Doghqu' lutmeyvam, 'a
jISaHbe'. mu'mey chu' vIlo'.
wa':
ghumDI' HoD, QongDaqDaq ghaHtaH jonwI''a'. "qonan, jonta' pa'Daq ja', ra'
HoD, jachtaHvIS. jonta' pa'Daq pawDI' jonwI''a', nIvnavDaj tuQtaH. meQmo'
baS leQ wa'maH wej, QapHa' pIvlob jonta'mey. leQ legh qonan. "Dochvam nuq
jay'?!?" jonwI'pu'vaD tlhob qonan. "maSovbe'," jang chaH. leQ Hot jonwI''a'.
"Qu'vatlh! naDev quHvaj tu'lu'," jach qonan. "DaH leQ chu' yIqem," ra'
jonwI''a'. "qaH, leQ chu' wItu'laHbe'," jang wa' jonwI'. "tu'HomI'raHpu'
SaHoHrup. SIbI' mIqta' mem yIqem," jach qonan. mem laD 'ej leQ wa'maH wej
Sam. "leQvam vIDIl neH ra'ghomquv jay! loS SaD Hut vatlh DeQ poQ chaH." bep
qonan. jonta' pa'Daq lIw nej jonwI''a'. "vISam," jach ghaH. pIvghor
jonta'mey tI'meH, mep mavjop lo' qonan. Doy' ghaH, 'ach jajlo' Qu' taghnIS.
vumqangpa', vutpa' Such qonan. "qa'vIn tuj HaQchor je," ra'.
rIn lut.
cha':
jIbDaj luH jonwI' 'ej yIvbeHDaj qIjDaq pum quHvaj. volchaHDu'Daj Say'moH
ghaH. pIvmeH memDaj laD. "jIbwIj vIQorghmeH, tugh vay' vISamnIS," Qub
jonwI'. bItqu' jonwI'. cha'vatlh ghotvaD pInvaD je pIvghor qelbogh SoQ'e'
muchnIS. nIvnavDaj tuQtaHvIS, SoQ muchpu' jonwI' 'e' naj. navmeyDaj boS 'ej
bIH 'uchmeH, mep mavjop lo' ghaH. Seymo', QaDbej nujDaj. boQDajvaD jatlh
jonwI', "yuch tuj yIqem." SIbI' HIvje' tIn qem boQ. nujDajDaq HIvje' pep
jonwI' 'ej Hoch tlhutlh. "Qu'vatlh! Dochvam nuq jay?!?" jach jonwI'. "qa'vIn
HaQchor je. nuq Dara'?" tlhob boQ. "yuch, qoH!" jatlh jonwI'. nom navmeyDaj
woH, 'ach muDDaq puv mavjop 'ej Dat pum navmey. DaHjaj SoQDaj muchbe' jonwI'.
rIn lut.
SanDar