tlhIngan-Hol Archive: Fri Jul 11 08:43:50 1997
[Date Prev][Date Next][Thread Prev][Thread Next]
QaQ yInwIj
- From: "William H. Martin" <[email protected]>
- Subject: QaQ yInwIj
- Date: Fri, 11 Jul 1997 11:43:44 -0400 ()
- Priority: NORMAL
jI'IQDI' jabbI'IDghomvamvaD vIghItlh. jIQuchDI' pIj law'
Qu'wIjmey 'ej naDev jIghItlhmeH poH vIghajbe'law'. qab ghu'vam.
wa'maH vaghHu' juH chu' vImuv 'ej juH ngo' vImej. jI'IQqu'.
mumaghlaw'pu' juppu'qoq.
DaH jIQuchqu'. mumaghchugh jISaHbe'. ram. jIHvaD QaQ latlhpu'.
cha'logh *Contra Dance*meyDaq vIjeS. vItIvqu'. loSHu' cha'
qellI'qam juHjupwI' chu' qet 'ej vItlhej. maja'chuq 'e' vItIv.
jIHvaD 'uQ vIvut 'ej juHjupwI' chu'vaD 'op 'uQvam vInob. Soj nap
vIvut 'e' vItIvqu'. <<Davutchu'ta'.>> muja' juHjupwI'.
wejHu' *billiards* wIQuj jIH juHjupwI' ngo' je. maroj. "pool
hall*Daq 'uQ wISop.
cha'Hu' cha'maH qelI'qammey *bicycle*mey wIlIgh jIH latlh jup
je. 'IH puH. law' HuD. rut loQ jItoSnIS 'ej jIvumqu'nIS. rut
loQ bIngDaq jIjaH 'ej ngeDqu'chuH Qu'. nom vIjaHqu'mo' jIbwIj
joqmoH SuS. jupvam juHDaq 'uQ wISop.
wa'Hu' De'wI' Quj vItIvqu'bogh wIQuj jIH latlh jupwI' je 'e'
vIpIH, 'ach qaSpa' 'uQ, jabbI'ID mulab jupvam 'ej
<<jIlay'Ha'nIS>> muja'. muSum 'e' pIHDI' ghaH, HoptaH.
maghomlaHbe'.
qay'be'. SutmeywIj vISay'nISmoH 'ej pa'wIj vIghIHHa'nISmoH.
Qu'meyvamvaD poH vISuqchoHmo' jIQuch. jIHvaD 'uQ vIvutqa' 'ej
juHjupwI'vaD 'op Sojvam vInobqa'.
DunluQ megh wISop latlh jupwI' jIH je. maja'chuq.
ramvam *sushi* wItIv jIH latlh jupwI' je. *movie* tamey munob
jupvam 'e' lay'.
wa'leS *community*wIj ghomDaq jIjeS. wa'leS ram *contra
dance*Daq jIjeS.
cha'leS muDDuj ngo' vIlIgh. qaStaHvIS qo' noH cha', Dujvam lo'
ghojbogh muDSuvwI'. qaStaHvIS bID rep mapuv.
wejleS ram taHqeq wIqel jIH *community*wIj je. parmaqqoqmo'
puqbe'pu' 'oy'moHta' taHqeqvam. Qu'vamvaD ghom le' wIchenmoH.
Hegh ghaH vIneH 'ach ruvDaj wIwuqnIS.
loSleS *movie* <<Sut qIjDaq loDmey>> wIlegh jIH latlh jupwI' je.
'IQtaH jupvam 'ej loQ vIQuchmoH vIneH.
vaghleS qep'a' vIghoS jay'!
pItlh