tlhIngan-Hol Archive: Sat Jul 05 09:01:21 1997
[Date Prev][Date Next][Thread Prev][Thread Next]
Re: ghojlaHbej jatlhQo'wI'
- From: "William H. Martin" <[email protected]>
- Subject: Re: ghojlaHbej jatlhQo'wI'
- Date: Sat, 5 Jul 1997 12:03:13 -0400 ()
- Priority: NORMAL
*New Words List*Daq mu'mey chu' vIchelDta' 'ach chaq wej
boleghlaH. vaj:
mov = top of foot. (n)
bey = howl (n)
On Fri, 4 Jul 1997 14:42:25 -0700 (PDT) Robyn Stewart
<[email protected]> wrote:
> tlhIngan Hol ghojmeH loDnalwI' Qaplaw'lI' pat'e' chupbogh charghwI'.
> porgh 'ay'Du' mu'mey DIHutlhbej -- 'ej <mov> vIqelbe'bej jay'.
>
> - Qov
yInwIj vItIvtaHqu' 'ach yInlIj DatIvba'taHqu'. chaq tIvmeH
yInlIj qaq law' tIvmeH yInwIj qaq puS.
jISaHbe'. yap tIvmeH yInwIj. QaQ yInwIj.
wa'Hu' ram *contra dance*Daq jIjeS. jItayHa'choH. Suppu'DI'
'ej ravDaq cheghDI' qamDu'wIj, chuSqu' qamDu'wIj. bey'a' vIjach.
tlham vIlo'chu'taHvIS jIQuj. be'pu' law' vImonqu'moH. mutIvqu'.
rInDI' wanI'vetlh, jupwI' *Bo* mura' <<Ha'! *movie* le' jIbejmeH
jImej. HIthej!>> *movie*vaD *Contact* pong jupwI'. qaSpa' *July*
wa'maH wa'DIch, *Contact* leghlaHbe' Hoch motlh, 'ach
*theater*Daq vum jupwI' jup 'ej paghvatlh wejmaH rep SoQpu'DI'
*theater*, peghtaHvIS Hoch, *theater* 'elmeH wa'maH jav juppu'
le' chaw'lu'.
jIpeghnISmo' *movie* lut vI'angQo', 'ach *movie*vam vItIvqu'.
jIH'a'Daq bobejnISbej.
rInDI' maja'chuqqu'. loSvatlh rep juHDaq jIchegh. nIteb
jIQong, 'ach QaQ yInwIj. jIbepQo'.
movDu'lIj yItIv.
charghwI'