tlhIngan-Hol Archive: Fri Jul 04 10:24:39 1997
[Date Prev][Date Next][Thread Prev][Thread Next]
mughmeH pup <Batman Robin je>
- From: "Robyn Stewart" <[email protected]>
- Subject: mughmeH pup <Batman Robin je>
- Date: Fri, 4 Jul 1997 10:23:49 PST
- Organization: NLK Consultants, Inc.
- Priority: normal
much <Batman Robin je> wIlegh jIH loDnalwI' je. qaStaHvIS bID
wa'DIch jIbepqu'. jImej vIneH jIjatlhtaH. bej neHmo' ghaH jIratlh,
'ach jIQongbe'meH vImughchoH. jatlhDI' vay', mu'meyDaj vImughmeH
tlhIngan Hol vIlo'taH. jImer'eghqu'! tlhIngan HolvaD pupqu'
muchvetlh! machqu' mu'tay'. nom jatlhbe'. valbe'mo' mu'mey,
mughlu'DI' potlh chaghbe'lu'. jIHaghqu' jatlhDI' *Freeze* <bortaS bIr
jablu'DI' reH QaQqu' nay'>.
tlhIHvaD much vIDel.
be'nalDaj vor 'e' nIDtaHvIS *Freeze*, taS bIrqu'Daq pumpu' Qel. yIn,
'ach mIghchoH 'ej yIntaHmeH bIrqu'meH Sut tuQnIStaH. QapmeHtaH Sut,
qutmey poQ 'ej qutmey lo'laH nIHtaH *Freeze*. ngongmeyDaj rInmoHmeH
*Gotham* veng taDmoH 'e' Hech. Qu'vamvaD tInbogh qutmey law' poQ.
taDmeH beH lo' 'ej <petaDchoH> jatlh.
tIvaD QultaHvIS tej, ngongmeyDaj ghongtaH pInDaj. nab mIgh tu'DI'
QulwI' chun HoH 'e' nID tej maw'. ghaHDaq Hoch taSmeyDaj luchDaj je
chaghmoH. yIn je, 'ach maw'choH. tera'Daq tI choqmeH vang 'ej
QapmeH nabDaj Hoch nuv HoHqang. SuQ wuSDu'Daj 'ej <tar jIH> jatlh.
veng roSHa'moHmeH jIj cha' mIghwI'. jan chenmoHta'DI' Hoch
taDchoHmoH.
Dujmey taQ lIghtaHvIS chaH qop pagh HoH *Batman* *Robin* *Batgirl*
je. (jIQongchoHmo' vISovbe' -- Qapchu'be' Qongbe'meH patwIj)
jIvemDI' <qoch maH!> maq wej QapwI'pu' 'ej jImejlaH.
DaH muchvam QIp yIbejQo', 'ach juH HaSta machDaq muchlu'DI' yIbej 'ej
yImugh. tlhaQqu'.
SKI: The film "Batman and Robin" is terrible, but the vocabulary and
pace allow you to translate it into tlhIngan Hol as you watch, for
increased entertainment value.
- Qov