tlhIngan-Hol Archive: Thu Jan 02 10:02:50 1997

Back to archive top level

To this year's listing



[Date Prev][Date Next][Thread Prev][Thread Next]

DIS QonoS vIqon



qaStaHvIS DIS wa' Hut Hut jav pIj lengta' qorDu'wIj.

jar wa'DIch:
vavnI'wI' qoS chorghmaH loSDIchmo' malopmeH "Chicago" wISuch.

jar cha'DIch:
SoSwI' be'nI' qoS wIlopmeH wISuchqa'.
Do'Ha' jeSlaHbe' meb'a' "New York" peDqu'taHmo'.
vaj "cellular phone" malo' 'ej DurI' Hoch.

jar wejDIch:
SoSwI' be'nI', loDnalDaj je qoS DIlopmeH wISuchqa'qu'.
Do' SaHlaH Hoch.

jar loSDIch:
"Indianapolis"-Daq "Easter" malopmeH be'nalwI' qorDu' wItlhej.

jar vaghDIch:
juH veng wImejbe'.  motlhbe'qu', 'ach qaS latlh potlh.
taghtaHvIS jar nuSuch trI'Qal 'ej rIntaHvIS jar Duj chu' vIje'.

jar javDIch:
"Southern Indiana"-Daq ghom be'nalwI' tuq.
tIn tuqvam.  ghotmey law' vIqIH.

jar SochDIch:
tlhIngan Hol yejHaD qep'a' wejDIch vIjeS.
"Philadelphia"-Daq mutlhej qorDu'wIj.
tlhIngan Hol vIjatlhtaHvIS 'ej jatlhwI'pu' vIqIHtaHvIS qun Daq legh chaH.

jar chorghDIch:
"Wyoming" wIghoS.  pa' juHqoq wIcher.
qo' tlhol wItIv.  chunDab wIbej.
qaStaHvIS cha' Hogh wIratlh.

jar HutDIch:
be'nalwI' SoS loDnI' puqloD tlhogh wIbejmeH "Kentucky" wIghoS.
"Rosh Hashanah Service"-Daq majaHmeH malengtaHvIS mayev.
(Jews-vaD DIS chu' lop wanI'vam)

jar wa'maHDIch:
jIlIjpu'.  "Chicago" wIghoSqa''a'?
chorgh "Sukkot" wIlop'a'?  ram...

jar wa'maH wa'DIch:
"Thanksgiving"-mo' qorDu'wIj wISuch.

jar wa'maH cha'DIch:
"Christmas"-mo' be'nal qorDu' wISuchmeH "Louisville" wIghoS.

pawpu' DIS chu'.  nuqDaq maleng?  wej vISov.

-- ghunchu'wI'



Back to archive top level