tlhIngan-Hol Archive: Tue Feb 11 07:27:36 1997
[Date Prev][Date Next][Thread Prev][Thread Next]
loQ Colorado-Daq jIleng
- From: [email protected] (Alan Anderson)
- Subject: loQ Colorado-Daq jIleng
- Date: Tue, 11 Feb 97 10:21:21 EST
cha'leS Colorado-Daq qep vIjeSnIS.
luch je'laHmeH pInHeywI' jISutlh.
wa'leS pov jItlheD 'ej cha'leS ram jIchegh.
tlhaQ rep mIchmey.
nI'be'law' jaHmeH leng:
wa'maH jav vatlh wa'maH rep "Indianapolis"-vo' jItlheD, 'ej
wa'maH jav vatlh vaghmaH jav rep "Denver"-Daq jIpaw. :-)
qaSlaw' loSmaH jav tup neH.
jImejtaHvIS nom leng raQpo'Duj net tu'!
'ach nI'qu'law' cheghmeH leng:
wa'maH chorgh vatlh wejmaH cha' rep "Denver"-vo' jItlheD, 'ej
cha'maH cha' vatlh loSmaH Hut rep "Indianapolis"-Daq jIpaw. :-(
qaSnISlaw' loS rep.
jIcheghtaHvIS QIt leng raQpo'Duj net tu'.
qaStaHvIS wa' jaj neH pa' jISaH 'ej jISutlhlI'.
malja' wIHuqta'DI' jIchegh.
qaStaHvIS pem jIvumnIS.
qaStaHvIS ram chaq jIreHlaH.
"Loveland"-Daq mughomqang'a' vay'? :-)
(Sumqu' "Ft. Collins".)
-- ghunchu'wI'