tlhIngan-Hol Archive: Thu Dec 25 14:53:03 1997
[Date Prev][Date Next][Thread Prev][Thread Next]
SuSvaj, jIHlut chovwI''a'!!!!
DaHjaj tlhIHvaD "An American Werewolf In Paris" vIchov.
"An American Werewolf in London" lut cha'DIch 'oH jIHlutvam'e'. *Paris*Daq
paw wej ameriqa'ngan loDpu'. *Daredevil*pu' chaHmo', *Eiffel tower*vo'
*bunji-jump* neH chaH. qaStaHvIS wa' ram, *tower* toS, 'ej
SuprupchoHtaHvIS chaH, be' 'IH legh wa' loD. SuprupchoHtaHlaw' je be'vam,
'ach tlhegh ghajbe' ghaH. HoH'egh neH be', 'e' tlhoj Sub, 'ej toD 'e' nID
ghaH. bong pum chaH, 'ach Do' tlhegh ghaj Sub, 'ej be' toD ghaH. rInDI'
wanI'vam, Haw' be'. 'ach ghaHvaD parmaq ghajlaw' Sub 'ej' be'vam leghqa'
neH ghaH. ghaH nej Sub, 'ej Be' SamDI', *werewolf* ghaH, 'e' tu' Sub.
qabbej, De'vam, 'ach tugh De'qabqu' tu' ghaH. *paris* Dap *werewolf*mey
law', 'ej Sub HIvDI' wa' *werewolf*, *werewolf* moj ghaH je. vor'eghlaH
Sub, 'ach 'e' ta'meH, chopta'bogh *werewolf* HoHnIS, 'ej tIqDaj SopnIS
ghaH. 'e' ta' neHbe' Sub, chopta' be' 'IH, 'e' Harmo' ghaH. Hoch lut
vI'angQo'.
jIHlut cha'DIch 'oHmo', vIpar, 'e' vIpIH, 'ach vIleghDI' vImerlu'. tlhaQ,
'ej SeymoH lut. qabbe' *effect*mey le'. "American Werewolf in London"
DaparHa'chugh, vaj ghaytan jIHlutvam DatIv.
-----------------------------
SuSvaj, jIHlut chovwI''a'!!!!