tlhIngan-Hol Archive: Fri Dec 19 12:03:43 1997

Back to archive top level

To this year's listing

• Index by Date
• Index by Thread
• Index by Author

Dun DIS poHvam jIja'

• From: [email protected] (Alan Anderson)
• Subject: Dun DIS poHvam jIja'
• Date: Fri, 19 Dec 97 14:50:50 EST

jImIS.  qatlh poHvam lumuS nuv law'?
chaq jIHuj, 'ach jIHvaD 'eychu' poHvam.
jI'IQbe'.  jI'Itbe'.  jItlhuH!

muD bIr vItIv.  peDDI' 'IH qo'.  boch bIQ qutmey mach.
Dat nachbochHommeyHey vIlegh. 
tuj juHwIj.  QaD juHwIj.  bIrbe'taH qorDu'wIj.

muSujbe' jaj ngaj.  'eq ram 'ej nI' choS, vaj Qapchu' tIgh tIQ.
juH 'IHmoHmeH wovmoHbogh janHommey lo' jIlpu'.
"Christmas" wIlopbe' maH, 'ach QorwaghmajDaq wa' HovHey wIlanpu'.
jav Dop jej ghaj.  "David" Hov' 'oH.

qaStaHvIS cha' Hogh vIvumnISbe'mo' ghIQ qorDu'wIj.
poHvam wIlopmeH qorDu''a' wISuch.  
"Christmas" loptaHvIS be'nalwI' qorDu' pIj DItlhej.
"Hanukkah" loptaHvIS SoSwI' qorDu' rut chaH DItlhej.
Quch Hoch.  

(le'qu' DISvam.  vavwI' loDnal qorDu' wISuch.  tay'taHvIS qorDu'wIj,
vavwI', SoSwI', be'nalwI' qorDu' je, "Disney" qo'Daq mareH.)

chong yInwIj.  Dun tuqwIj.  tuq Duy vIyajbe'.

-- ghunchu'wI' Sey

• Follow-Ups:
  • Re: Dun DIS poHvam jIja'
    • From: Joel Peter Anderson <[email protected]>

• Prev by Date: Re: BG ru'
• Next by Date: Re: (KLBC) muqaDmo' Qov QInvam vIqon
• Prev by thread: Re: Merry Christmas!
• Next by thread: Re: Dun DIS poHvam jIja'
• Index(es):
  • Date
  • Thread
  • Author

Back to archive top level