tlhIngan-Hol Archive: Thu Dec 11 21:26:50 1997
[Date Prev][Date Next][Thread Prev][Thread Next]
Re: Type 5 Noun Suffixes
- From: WestphalWz <[email protected]>
- Subject: Re: Type 5 Noun Suffixes
- Date: Fri, 12 Dec 1997 00:19:31 EST
- Organization: AOL (http://www.aol.com)
In a message dated 97-12-11 11:49:06 EST, SuStel answers peHruS:
<< >chaq lugh mu'tlhegh {Qe' vImej}
chaq. lughbe' 'e' vIHar jIH.
<ghorgh mamej> (CK)
<vagh rep bImejnIS> (CK)
<bImejDI' reH betleHlIj yItlhap.> (TKW)
not wot nungbogh DIp'e' tu'law'lu'.
>chaq lugh mu'tlhegh {Qe'vo' jImej}
"I leave the restaurant."
"I leave from the restaurant."
QaQ mu'tlheghvam.
>chaq lugh mu'tlhegh {Qe' vIchegh}
lughbe'law'.
<ghorgh pa'wIjDaq jIchegh> (CK)
<DaH machegh> (ST6)
nungbogh DIp tu'law'lu'.
>chaq lugh mu'tlhegh {Qe'Daq jIchegh}
lughlaw'.
>>
-----------------------------------peHruS continues the
discussion-----------------------
qatlho' SuStel
'ach DIp qelbe' mu'tlheghmeylIj <ghorgh mamej> (CK);
<vagh rep bImejnIS> (CK);
<bImejDI' reH betleHlIj yItlhap.> (TKW) je.
<ghorgh qaS wanI'> ghel vay' 'e' qel mu'tlheghlIj wa'DIch
chIch mu' {mamej} wIlo'
napbe' mu'tlhegh {ghorgh Qe' wImej}, vaj lugh'a'?
lugh'a' mu'tlhegh {ghorgh Qe'Daq mamej}?
lughbe' 'e' vIngach
DIp qelbe' je mu'tlheghlIj cha'DIch, 'ach poH qel 'oH.
napchuqbe' *object* *timestamp* je, qar'a'
DIp qellaH mu'tlheghlIj wejDIch 'ay' wa'DIch 'ach wIleghbe'
DIp wIlo'DI' vaj qelbe' 'e' wIQIj
vogh wImejchugh moHaq {wI-} wIlo'nIS 'e' vIHar 'ej vaj vIchup
vogh wIqImbe'chugh moHaq {ma-} wIlo'nISba'
---------------------------------------------------
<ghorgh pa'wIjDaq jIchegh> (CK)
<DaH machegh> (ST6)
poH Daq je qel mu' {jIchegh} lo'bogh mu'tlheghlIj loSDIch
DaH wot {chegh} wIjatlhDI' DIp qelbe'bogh moHaq wIlo'chugh Qu'maj QaQ law' DIp
qelbogh moHaq wIlo'chugh Qu'maj QaQ puS
'ach wa' mung neH Damuch
poH neH qel mu'tlheghlIj vaghDIch 'ach DIp qImbe'
choponchu'be'
----------------------------------------------------
mangachchuqtaHvIS mungmey Damuchmo' qatlho'bej
batlh tlhIngan Hol wIghojjaj peHruS