tlhIngan-Hol Archive: Sun Dec 07 20:04:15 1997
[Date Prev][Date Next][Thread Prev][Thread Next]
RE: tlhoghtay
- From: Terrence Donnelly <[email protected]>
- Subject: RE: tlhoghtay
- Date: Sun, 07 Dec 1997 22:05:45 -0600
O.K., I'll bite. Here's my translation of Worf's and Dax's marriage
ceremony:
tlhoghtay
('Inmey mupchoHlu'. nargh tuq be' joH. jatlh ghaH)
joH: tlhIngan tIq luchenmoHtaHvIS, qul lulo' qa' nuvpu' 'ej baS lulo'.
qu'mo' QaptaHbogh tIq 'ej chuSmo', jach qa' nuvpu'.
"DaHjaj tIq wIchenmoHbogh HoS law',
ngeHbejDaq Hoch HoS puS.
tIqvam qaDlu'chugh vaj HoSDaj Hajlu'bej."
'ach pujchoH tlhIngan tIq 'ej QapHa'.
ghel qa' nuv
"qatlh bIpujchoH?
ngeHbejDaq tIq nIvqu' pIchenmoHta'."
vaj jang tlhIngan tIq.
('el loD)
loD: jImob.
joH: Qagh 'e' lutlhoj qa' nuv.
qul baS je Suqqa' 'ej latlh tIq luchenmoH.
('el be')
'ach QaptaHvIS tIq cha'DIch HoS jen,
tIq wa'DIch HoS 'eS,
vaj QeHchoH wa'DIch.
(loDvaD be'vaD je betleHmey nob tawI'yan.)
(may'qoqDaq Suvchuq loD be' je. chargh be', 'ach loD HoHbe'.)
joH: Do' Sov nIv ghaj tIq cha'DIch.
be': mamuvchuqchugh, vaj nucharghlaH pagh.
(tawI'yanvaD betleHmey nobHa')
joH: SIbI' QapchuqDI' tIqDu', QI'tu'Daq ghIjbogh ghum Qoylu'.
poH wa'DIch Hajbej qa' nuvpu'.
Haw' 'e' lunID 'ach ngabchu'pu' 'eb.
qa' nuv Qaw'chu' tlhIngan tIqDu' 'ej QI'tu' lumeQchu'.
qaSpu'DI' wanI'vam, QapchuqDI' cha' tlhIngan tIqDu',
not qaDlaH vay'.
(loDvaD jatlh joH)
joH: p, v. puqloD, yIjang. be'vamvaD Qapbej'a' tIqlIj?
loD: HIja'.
joH: be' retlhDaq bIQam 'ej Hoch qaDwI'pu' DaSuv 'e' Dalay''a'?
loD: vIlay'bej.
(be'vaD jatlh joH)
joH: p, v. puqbe', yIjang. loDvamvaD Qapbej'a' tIqlIj?
be': HIja'.
joH: loD retlhDaq bIQam 'ej Hoch qaDwI'pu' DaSuv 'e' Dalay''a'?
be': vIlay'bej.
joH: vaj peqIm Hoch. tayvammo' Sawta' loDvam 'ej nayta' be'vam
'ej tay'taH tIqDu'chaj 'e' yIyaj Hoch bejwI'.
(loDnal be'nal je HIv qalHay'a' jeSwI'pu''e', maSta'qaH naQmey
lo'taHvIS)
rIn tlhoghtay.
-- ter'eS