tlhIngan-Hol Archive: Thu Aug 28 07:26:34 1997

Back to archive top level

To this year's listing

• Index by Date
• Index by Thread
• Index by Author

verda stelo // Hov SuD

• From: [email protected] (Alan Anderson)
• Subject: verda stelo // Hov SuD
• Date: Thu, 28 Aug 97 09:15:16 EST

cha'Hu' HurDaq 'uQ SoplI' "Cub Scout" ghomwIj.
tlhIngan Hol yejHaD Degh 'angbogh "frisbee"-'e' vIqemta'.
mongDechwIjDaq baS Degh vItuQtaH je.
QujtaHvIS wa' DevwI', Deghmey tu'.
ghovbe'ba' 'ej muyu': 
  <nuq 'oH?>
mongDech Degh vIHot, 'ej vIjangmeH, tlhIngan Hol vIjatlh:
  <tlhIngan Hol vIjatlh 'e' 'ang DeghHomvam.  "verda stelo" rur.>
Hol nov vIlo'mo' mISlaw' ghaH.
jIQIjmeH DIvI Hol vIjatlhrup.
'ach pay' yaj!  jatlh (DIvI Hol lo'taHvIS):
  <toH!  ben DuSaQDaq jIHtaHvIS, "Esperanto" jatlhbogh jup'e' vISov.
   reH Hov SuD tuQ ghaH 'ej 'oHvaD "verda stelo" pong.
loQ yev ghaH.  Qubqu'.
  <'ach "Klingon" Daja''e'?>
vaj ghaHvaD tlhIngan Hol vIQIj 'ej tlhIngan Hol yejHaD qun vIQoymoH.
ghaHvaD Dajlaw' Holvam!  jISey'choH.  chaq HaDwI' chu' vImuvmoHlaH!
'ach 'Ijpu'DI', mejpa', wa' mu' jatlh:
  <taQ.>
wejpuH.

-- ghunchu'wI'  (Doq'a' "Esperanto" Hov?...)

• Prev by Date: Qov wIHoy'
• Next by Date: RE: "Soldiers of the Empire" and KGT
• Prev by thread: Word Wanted
• Next by thread: Re: verda stelo // Hov SuD
• Index(es):
  • Date
  • Thread
  • Author

Back to archive top level