tlhIngan-Hol Archive: Fri Aug 08 18:01:26 1997
[Date Prev][Date Next][Thread Prev][Thread Next]
Story: tew'Iq batlh
- From: "Robyn Stewart" <[email protected]>
- Subject: Story: tew'Iq batlh
- Date: Fri, 8 Aug 1997 18:00:55 PST
- Organization: NLK Consultants, Inc.
- Priority: normal
Tewyq's Honour
Short installment today.
Recap: In the last episode of the Bemorian saga, wIyya managed
to knock out the guard who inexplicably tried to stomp on her
baby. Afraid of the repercussions of actually killing her, wIyya
dragged the unconscious body to a nearby equipment room and returned
to her cell, to lie down beside her sleeping baby.
Names: wIyya, tew'Iq, 'eqIl, tIllan
* * *
mochpu'DajvaD jabbI'ID qon ra'wI'.
<puj bemornganpu'. veng wa'DIch wIcharghchu'ta'. SIbI' jegh
yejquvHey. qo' naQvaD jabbI'ID wIlI'. DaH jeghlI' HochHom. Suv
wo'Hommey puS. yeqqangbe'wI'pu' DISanglI'. Doghjeymey DIHevmeH
batlh toy'pu'bogh vajpu' vIwIv. wa'leS tlhIngan puH 'oH yuQ naQ'e'.>
Doghjey HevwI'pu' wIvqa' ra'wI'. batlh bajta' tew'Iq 'e' Har.
Sehlaw'Daq 'uy' 'ej jatlh <tew'Iq bu', HoDpa' yIghoS> qaS tup puS.
pawbe' *tew'Iq 'ej jangbe'. *'eqIl rI' ra'wI'. <nuqDaq ghaH yaH
qochlIj'e'?>
jang 'eqIl <qama' ghu tlhej>
qama' pa' ghoS ra'wI'. lojmItHom paw. SeHlaw'Daq ngoqDaj lo'.
ngaQbe' lojmIt 'e' tu'be'. 'oH poSmoH. wovqu' pa'. ravDaq QongtaH
qama' ghu je. qama' retlhDaq mang mIv tu'lu'. <qama'!> jatlh. vem
be'. <mIvvetlh HIqem!> yajbe' wIyya. vangHa'be'meH vangbe'.
mIvDaj'e' Hot ra'wI', latlh mIv ghoStaHvIS nItlhDaj. <mIv, mIv.
qem.> qatlh vangvIpqu'law' qama' QIp? mIv tlhapmeH 'el ra'wI'.
qama'vaD mIv much. <mIv> jatlh.
tlhup qama' <mIv>.
<mIv> jatlhqa' ra'wI' mIv nuDtaHvIS. tew'Iq mIv 'oHbej. <nuqDaq ghaH
tew'Iq'e'?> ja'. yajbe'ba' qama'. <nuqDaq 'avwI'?>
yajbe'taH qama' 'ej tlhuHvIplaw'. bItqu'. vemlI'bogh ghu woH 'ej
ra'wI' bej neH. QumwI' lel ra'wI'. 'avwI' yaH rI'. <nuqDaq tew'Iq>
janglaH pagh. mej ra'wI' bergh. lojmIt SoQmoH.
qaSDI' tup puS poSqa' lojmIt. 'el tew'Iq, taj qengtaHvIS.
bItqu'chu' wIyya. bortaS pIH. jatlh tew'Iq. <ghu DaHubtahvIS SoH
qu' law' Qa'Hom qu' puS. bIDo'bej. not cha'logh chavvetlh Data'laH.
'ach bItob'egh.> jIbDaj tIqHa' Hot. <bInoDchu'. batlhlIj Da'ang.
DaH ghulIj vIparHa'mo' jItuHbe'.> mISqu' wIyya. pe'vIl jatlh
tlhIngan be' qu' 'ach QeHbe'law'.
qatlh noDbe' tew'Iq? Duchopchugh targh, targh DatIchbe'. bIQIpmo'
Duchop 'e' Dachaw'. SoH bItIch'egh. vaj qama' chovHa'pu'mo' tuH
tew'Iq. loQ tlhaQ wanI'. loQ bel tew'Iq. qu'choHpu'bogh Saj rur
qama'vam. QaQ Saj qu'.
pa' wIyya je nuD. jatlh <toH, nuHwIj Daghajbe' SoH. muSam 'Iv?
luch pa'Daq mulan 'Iv? 'eqIl vIpIH. ghaHvaD tlhaQba'!>
jang wIyya <mIv>
<ghuy'cha'> jatlh tew'Iq. <nuqDaq mIv?>
<mIv> ja'qa' wIyya. ra'wI' HIp Del ghopDu'Daj. ra'wI'vaD potlhlaw'
mIv.
ra'wI' HIp ghov tew'Iq. <chovulmoHpu'DI' mutu' ra'wI'wI''e'
jay'? va. muHupmeH nuHwIj polbej ghaH. bIQuch'a', 'ongwI'?>
jang yajbe'chu'taHbogh wIyya <wov! wov!>
mInDu'chaj 'oy'moH pa' wov.
Hagh tew'Iq. <Hurgh! Hurgh!> jatlh. loQ HurghchoH pa'
<'urH! 'urH!> jatlh wIyya. qaS pagh.
Haghqa' tew'Iq. <batlhwIj nuHwIj vISuqqa'taHvIS, QIchlIj yIqeq.
Hurgh!>
mej tew'Iq. <kurg! kurg!> jatlh wIyya. qaS pagh.
SKI: The guard, whose name we learn is tew'Iq, returns to duty, and
wIyya learns how, at least in theory, to turn the lights *off*. More
clipped commands and questions here.