tlhIngan-Hol Archive: Fri Aug 01 11:25:34 1997

Back to archive top level

To this year's listing



[Date Prev][Date Next][Thread Prev][Thread Next]

KLBC story: bemorngan tIqIH



KLBC Story: Meet the Bemorians

<Alpha> joghDaq  <Hayla> Hov tu'lu'.  Quv vISovbe' jIH 'a luSovbej 
tlhInganpu'.  loS vatlh ben Hovvam bavbogh yuQ tu' tlhIngan Hoq.
SIbI' voDleHvaD yuQ luDoq. toq yuQ 'e' tu' Hoq 'ej mochpu'chajvaD 
ngoDvam luja'.  wej logh SIchta' bemorngan QeD 'ej tlhIngan Duj 
buQlaHbogh nuH'e' ghajbe'law'mo' nganpu', ram chaH.

tugh paw DanmeH ghom. ghorDaq Qol nawlogh puS 'ej raQ cher.  veng 
potlhDaq 'el negh, QI' yavDujmey lIghtaHvIS. yavDuj retlhDaq yIt je 
tlhIngan negh.  boch nuHmeychaj.  chuS DaSmeychaj. HoS ghoghmeychaj.

juHchajvo' qettaH bemorenganpu' 'ej wanI' lubejqu'.  negh leghmeH 
ghoStaH puqpu' 'ach roD qabDu' nov leghDI' cholvIpchoH 'ej Haw'.  tut 
retlhDaq qet puqmey jaq puS. negh mevmoH 'e' nID pagh.  

qun qach HurDaq mev mangghomHom.  lojmIt'a'mey poSqu'moH 'ej 
SIbI' vaS'a'Daq 'el.  pa'Daq ba' bemorngan yejquv yay'.  "tlhIngan 
voDleHvaD yuQvam wISeHchoHta'!" maq tlhIngan ra'wI'.  mu' yajbe'ba' 
bemornganpu' 'ach qech luyajbej.  bemorngan joqwI'mey Deghmey je 
jottaHvIS tlhInganpu' 'ej tlhIngan Deghmey HuStaHvIS, morghbe' chaH.  
Qam wa' bemorngan 'ej tlhIngan ra'wI' ghoS.  bemornganvam Sut boch 
law' latlh bemornganpu' Sut boch puS.  tlhIngan ra'wI'Daq mevchoH 
bemorngan che'wI'Hey.  luHoHrupchoH tlhIngan 'avwI' 'ach 'utbe'. 
torchoH 'ej QebDaj teq. ravDaq 'oH lan.  tlhIngan ra'wI'vaD bemorngan 
mu' ralbe' jatlh.  DevwI'chaj lutlha' latlhpu'.  tor Hoch 'ej 
charghwI' 'etDaq vI' Qebmey.  bIH tlhap tlhIngan ra'wI'.

loQ Hagh tlhIngan negh.  pujbej nuvpu'vam.  'ach QIpchu'be'.  Doghjey 
luyaj.  jeghlaHba'.  toy'qangmo' ghu'chaj lu'arghmoHbe'lI'.

be' Qup ghaH wa' DevwI''e'.  ghaHvaD jatlh che'wI''a'Hey 'ej 
Qochbe'law' be'.  QumwI' lo'. tugh paw ghu qengbogh toy'wI'.  
be'vaD ghu nob. ghuDajvaD mon be' 'ej je'meH yIvbeHDaj poSmoH.
bejchuqchoH tlhIngan negh 'ej be' nov bej.  wejpuH. reH Huj novpu'.
tlhIngan negh muvchoH ghu qengbogh be'.  tlhInganbe' tIn retlhDaq 
Qam. bItba' ghaH, 'ach yoHtaHvIS tlhInganbe'vaD mon.  SuvwI' qu'vaD 
ghuDaj muchchoH bemorngan.  

mISba' tlhInganpu'.  jatlhchoH tlhIngan ra'wI'.  QeHlaw'.  
bemornganbe' ghoS.  "chay'?" jach.  be' qIpruplaw'.

mISba' bemorngan. qatlh yajbe' charghwI'pu'vam Huj? tIgh qar  
luSovbe''a'? ghu nuj Hot bemorngan be'.  bemorngan mu'tlhegh jatlh.  
nujqoq Da be' ghop jatlhtaHvIS.  ghu nuj Hotqa'.  "chaaaay!" jatlh 
bemorngan.  tlhIngan QIch nID. jatlh  "HHSS!  ghaa ghaa!  qa'qa'!"  
ghopDaj vIHmoHtaH 'ej ghu 'angqa'.  yev be'.  yajmeH tlhInganpu' loS.

pay' yajchoH ra'wI'.  nom Hol ghojlaH puq.  QummeH tlhInganpu' 
bemornganpu' je mughwI' moj ghuvam.  ghu' lajqangchoH ra'wI'.  
QuSDajvaD jatlh.  "vengvam wIcharghchu'ta'.  pejaH.  tevmeyraj 
tItlhap.  ghotpu' tIQIHQo'.  toy'qang 'ej toy'wI''a'pu' nIv mojlaw'." 
 
wanI'vam rurbogh wanI'mey law''e' Del bemorngan qon.  charghchuqtaH 
bemorngan wo'mey.  jeghchu'DI' lujpu'bogh nugh, che'wI' nIv Suq.  
roD naSbe' charghwI'.  choHtaHvIS che'wI'pu'chaj  tIr lupochtaH, tIr 
luyobtaH bemornganpu'.  rut naS che'wI' 'ach naSDI' che'wI', 
Sab nugh.  Sabpu'DI' nugh charghlaH latlh.  vaj qon gho ghorbe'lu'.
--------------------------
Words Qov may have misremembered
(SuStel: jIloytaHmo' choqunchugh,  mIwmeywIj vIchoHqang.)
Doq - claim territry
toq - be inhabited
yavDuj - ground vehicle (a compound useful for the story)
QuS - troops

SKI: I said I was going to stop writing about Klingons and start 
writing about Bemorians, and here they are.  This is the story of 
the Klingon conquest of Bemor, and how the Bemorians introduced the 
Klingons to one of their traditions.

- Qov


Back to archive top level