tlhIngan-Hol Archive: Sat Apr 19 08:15:03 1997
[Date Prev][Date Next][Thread Prev][Thread Next]
Re: Heghpu' SuvwI''a'
- From: "William H. Martin" <[email protected]>
- Subject: Re: Heghpu' SuvwI''a'
- Date: Sat, 19 Apr 1997 11:15:53 -0400 ()
- Priority: NORMAL
On Wed, 16 Apr 1997 06:17:08 -0700 (PDT) DaQtIq
<[email protected]> wrote:
>
> wa'Hu' ram SoSwI'vo' jabbI'ID vIHev. jIHvaD ra' (DIvI' Hol lo'ba'taHvIS)
> <Do'Ha' Heghpu' "Luther Warren".>
>
> loQ jI'IQchoH. SuvwI''a' ghaH "Luther"'e', SuvtaHQo'mo'.
rut SuvQo'taHvIS SuvwI''a' ghopDu', pe'vIl Suvqu' SuvwI''a' qa'.
> QojchoHDI'
> "USA", SuvQo'. qaqqu' ralbe'taHghach 'e' Har. QI'vaD toy'Qo' 'ej
> bIghHa'Daq weghlu'. Qatmo' noH, weblaw' 'ach quv'eghmoH. "Luther"
> weghqangqu'lu'. bIghHa'Daq toy' 'e' vImaS lalDanDajmo'.
reH tIq tlha'nIS qa'.
> jIQuptaHvIS, muSIgh. ben law' jIralbe'taH 'ej QI' vISuv. vIbIjlu' je
> 'ach muweghbe' 'e' wuq qum. DaH, jIqanchoHtaHvIS, jIralbe'be'taH.
> rut ralnISlu' DaH 'e' vIHar. jach qeylIS 'e' vIQoymo' jIchoH'a'?
> jISovbejbe'.
qaStaHvISchugh wa' wanI' neH bIwuQnIS vaj ngeD wIvHomvam.
potlhmeyvaD matlhqa'lu'taH. choHDI' ghu' choHnIS tIq.
> taghpa' DIS chu', jIghIQ 'ej juHwIj vISuch. pa' jISaHtaHvIS, loQ
> maja'chuq jIH "Luther" je. qanqu' 'ej pujqu'. Qoychu'be'. Hegh loSba'lI'.
HeghrupchoHlaw'pu'. maj.
> vIquvmoHmeH, jabbI'IDvam vIqon. peqIm! Heghpu' SuvwI''a' ralbe'!
QI'tu'Daq SuvwI''a'vam ghuHnIS latlhpu'!
> qaStaHvIS wa'vatlh jav DIS, yInqu' "Luther Warren".
Qu''a' ghajba'pu'.
charghwI'