tlhIngan-Hol Archive: Wed Apr 16 06:02:57 1997

Back to archive top level

To this year's listing

• Index by Date
• Index by Thread
• Index by Author

Heghpu' SuvwI''a'

• From: DaQtIq <[email protected]>
• Subject: Heghpu' SuvwI''a'
• Date: Wed, 16 Apr 1997 09:01:43 -0400

wa'Hu' ram SoSwI'vo' jabbI'ID vIHev. jIHvaD ra' (DIvI' Hol lo'ba'taHvIS)
<Do'Ha' Heghpu' "Luther Warren".>

loQ jI'IQchoH. SuvwI''a' ghaH "Luther"'e', SuvtaHQo'mo'. QojchoHDI'
"USA", SuvQo'. qaqqu' ralbe'taHghach 'e' Har. QI'vaD toy'Qo' 'ej
bIghHa'Daq weghlu'. Qatmo' noH, weblaw' 'ach quv'eghmoH. "Luther"
weghqangqu'lu'. bIghHa'Daq toy' 'e' vImaS lalDanDajmo'.

jIQuptaHvIS, muSIgh. ben law' jIralbe'taH 'ej QI' vISuv. vIbIjlu' je
'ach muweghbe' 'e' wuq qum. DaH, jIqanchoHtaHvIS, jIralbe'be'taH.
rut ralnISlu' DaH 'e' vIHar. jach qeylIS 'e' vIQoymo' jIchoH'a'?
jISovbejbe'.

taghpa' DIS chu', jIghIQ 'ej juHwIj vISuch. pa' jISaHtaHvIS, loQ
maja'chuq jIH "Luther" je. qanqu' 'ej pujqu'. Qoychu'be'. Hegh loSba'lI'.

vIquvmoHmeH, jabbI'IDvam vIqon. peqIm! Heghpu' SuvwI''a' ralbe'!

qaStaHvIS wa'vatlh jav DIS, yInqu' "Luther Warren".

• Prev by Date: RE: SopDaq
• Next by Date: RE: KLBC: taghwI'
• Prev by thread: RE: "verbs of saying" when you're not "saying"
• Next by thread: Re: Heghpu' SuvwI''a'
• Index(es):
  • Date
  • Thread
  • Author

Back to archive top level