tlhIngan-Hol Archive: Fri Apr 11 07:21:28 1997
[Date Prev][Date Next][Thread Prev][Thread Next]
Re: lIy lut
mulughmoH ghunchu'wI':
>>HoSbe' 'ach val 'ej reH batlh DataH.
>
>[mujbe'bej, 'ach naDev <-taH> vIpar jIH.
>pabhchu' mu'meyvam, 'ej mu'meylIj'e' bIH.]
yap <reH> 'e' DaHar'a'?
>>yoS Hop ghoStaH mangghom. qaStaHvIS jaj puS, leng 'ach jaj law'
>>poQlu'. qaSDI' choS, raQ lucher.
> ==
>raQ cher mangghom, qar'a'? wa' Doch 'oH'a' mangghom'e'?
bIlughba'. pIj <lu-> vIlIjmo', jIyepqu'pu'.
>>pIjHa' Qong vaj roD juppu'Daj 'av 'ej ram chal vIbej.
> ==
>[chaq Hat <pIjHa'>. DIch ghajbe'lu'.]
<pIjHa'> chaw'be''a' "Okrand"? chaq HolQeD vIqawHa'taH.
>ram chal bej 'Iv'e'? bej'a' SoH? bej'a' ghaH?
Qu'vatlh! Qaghna' DalughmoH. qatlho'!
>>lengtaHvIS mangghom, HochvaD lIy Del Dagh. Hagh neng 'ej vaq 'ach
>>mang puS ghIjlaw' lIy. ====
>
><neng> DaghItlhtaHvIS, ghaytan <negh> DaghItlh 'e' DaHech.
>ghItlhHa'ghachvammo' neH vIbepnISqu'.
'a jIQaghbej. cholughmoHmo' qatlho'. pabchu' lutwIj vIneH.
>>wovchoH 'ej tInchoH. chalDaq vIHpu'. ghochwI'vo' mej 'ej DaH latlh
>>HovghomDaq nargh. ===
>
>wa'logh neH <-pu'> Dachel. Donbe' mu'tlheghmey.
DaH lutDaq <chalDaq vIHlaw'pu'> tu'lu'. lIy leghlu'DI', vIHbe'law' 'ach
qaStaHvIS jaj law', vIHbejtaH lIy. vIHbe'law'mo', <vIHpu'> Daqon.
<mej>vaD <-pu'> Dachel je. DaH Don'a'?
>>qaSpa' po, lIm mang puS 'ej mej 'e' lunID. lImwI' luHoHlu'.
> ===
>[<choS> vImaS, 'ach mu'lIj'e' 'oH.]
qaqbej <choS> 'ej vIchoH. "desert" vISamnIS, <choS> 'oH DIp'e' 'e' vIHarHa'.
<Deb> 'oH DIp'e'. <choS> 'oH wot'e'.
>>Dagh ghoS bu' 'ej mangghomvo' chev chaH. Sagh bu' 'ej QeHlaw'.
> ====
>[loQ <chev'egh> vImaS. chay' mu'vam lo'lu'pu'?]
loQ jIQoch. Voragh! chay' <chev> lo' "Okrand"?
>>pe'vIl jatlh bu': <bIqay'moH jay'!>
> =========
>><'oHvaD Dagh lIy ponglu'. bIqay'moH SoH!>
> =========
>jumbej mu'vam. qaq'a' <Daqay'moH>?
charghwI'mo', vIlughmoHta' 'ach DaH mu' nIv vIqaw.
DaH <bISeng jay'> ja' bu'.
>>nom lIy wov luleghlaH. tInqu'. chalDaq ngoH DaQ tIq.
> ===
>[chaq vIpar. DIch vIghajbe'. chaq <chalDaq ngoH'egh> vIparHa'.]
<chalDaq DaQ tIq ngoHlu'.> vImaS.
>>tamqu' HochHom mang. lIy lubej neH.
> ============
><mang HochHom> DaghItlhnISlaw'.
<HochHom> vIlo'meH, jISovbejbe'. qatlho'.
>>SIbI' raQvo' mej neng 'ej ramvetlh jagh luHIv.
> ==
>va, law''a' neng? wa' Doch 'oH'a'?
wa' Doch 'oHbej. <cha> <no'> je rur.
cholughmoHmo', qatlho'. choquvmoHbej, jupwI'!
- DaQtIq